मुंबई विमानतळावर सहा कारवायांमध्ये साडे चार कोटींचे सोने जप्त | Gold worth four and a half crore seized in six operations at Mumbai airport mumbai print news amy 95 | Loksatta

मुंबई विमानतळावर सहा कारवायांमध्ये साडे चार कोटींचे सोने जप्त

सीमा शुल्क विभागाने शुक्रवारी आणि शनिवारी मुंबईतील छत्रपती शिवाजी महाराज आंतरराष्ट्रीय विमानतळावर कारवाई करून सुमारे नऊ किलो ११५ ग्रॅम सोने जप्त केले आहे.

मुंबई विमानतळावर सहा कारवायांमध्ये साडे चार कोटींचे सोने जप्त
( संग्रहित छायचित्र )

सीमा शुल्क विभागाने शुक्रवारी आणि शनिवारी मुंबईतील छत्रपती शिवाजी महाराज आंतरराष्ट्रीय विमानतळावर कारवाई करून सुमारे नऊ किलो ११५ ग्रॅम सोने जप्त केले आहे. जप्त करण्यात आलेल्या सोन्याची किंमत चार कोटी ५३ लाख रुपये आहे. सीमा शुल्क विभागाने एकूण सहा कारवायांमध्ये तीन जणांना अटक केली आहे.पहिल्या कारवाईत, दुबईहून आलेल्या एका भारतीय महिला प्रवाशाकडून दोन कोटी १४ लाख १८ हजार ९२ रुपये किंमतीचे सुमारे चार किलो ५१८ ग्रॅम वजनाचे सोने जप्त करण्यात आले. महिलेने सोन्याची भुकटी करून ते जॅकेटमध्ये लपवले होते. सीमा शुल्क विभागाच्या अधिकाऱ्यांनी अनुभवाचा वापर करुन तस्करी केलेले हे सोने जप्त केले.

हेही वाचा >>> मुंबई : ईडीच्या फेऱ्यात अडकलेल्या दहा प्रकल्पातील झोपडीधारक हतबल; झोपडी तुटलेली, भाडेही बंद

दुसऱ्या कारवाईत, कोईम्बतूरहून मुंबईला आलेल्या एका विमानातून एक हजार ४०५ ग्रॅम वजनाची सोन्याची लगड जप्त करण्यात आली. त्याची किंमत ७२ लाख ८० हजार रुपये आहे. तिसऱ्या कारवाईमध्ये मिक्सरमधील वायरमध्ये सोने लपवून आण्यात आले होते. या कारवाईत १८ लाख ९० हजार रुपये किंमतीचे ३६५ ग्रॅम सोने जप्त करण्यात सीमा शुल्क विभागाला यश आले. हे सोने दुबईहून आलेल्या एका भारतीय प्रवाशाकडून जप्त करण्यात आले आहे.सीमा शुल्क विभागाने केलेल्या चौथ्या कारवाईमध्ये, मिळालेल्या गुप्त माहितीच्या आधारे दुबईहून आलेल्या एका प्रवाशाच्या सामानाची तपासणी करण्यात आली. त्याने ट्रॉली बॅगच्या चार चाकांमध्ये सोने लपवून आणले होते. त्याच्याकडून ३६ लाख २९ हजार रुपये किंमतीच्या ६६९.२० ग्रॅम वजनाच्या चार सोन्याच्या अंगठ्या जप्त करण्यात आल्या आहेत. तर, पाचव्या कारवाईत, अहमदाबादहून मुंबईत आलेल्या विमानातून उतरलेल्या प्रवाशाने त्याच्या पायातील बुटामध्ये लपवलेली ४२ लाख २८ हजार रुपये किंमतीची ८१६ ग्रॅम वजनाचे सोन्याची लगड जप्त करण्यात आली.

सीमा शुल्क विभागाने गुप्त माहितीच्या आधारे सहावी कारवाई करत बँकॉकहून आलेल्या एका प्रवाशाला पकडले. या प्रवाशाने सोन्याचे तीन कापलेले तुकडे आणि सोन्याची भुकटीत लपवून आणली होती. त्याच्याकडून ६८ लाख १० हजार रुपये किंमतीचे एक किलो ३१२ ग्रॅम सोने जप्त करण्यात आले आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
मुंबई : ईडीच्या फेऱ्यात अडकलेल्या दहा प्रकल्पातील झोपडीधारक हतबल; झोपडी तुटलेली, भाडेही बंद

संबंधित बातम्या

विनयभंगाच्या आरोपांत महिलेला एक वर्षाची शिक्षा; न्यायालयाचा महत्वाचा निकाल
गुजरात निवडणुकीसाठी जाणे हे अधिकृत काम आहे का?; न्यायालयाचे राहुल नार्वेकर आणि मंगलप्रभात लोढा यांना खडे बोल
‘अदानी’च्या अर्जावर प्रक्रिया सुरू; नवी मुंबईसह मुलुंड-भांडुप, पनवेल भागात वीज वितरण परवाना
पासपोर्टसाठी बनावट कागदपत्र सादर करणार्‍या त्रिकुटाला अटक
मुंबईः अश्‍लील चित्रफीतीद्वारे लाखों रुपयांची खंडणी उकळल्या प्रकरणी महिलेविरुद्ध गुन्हा दाखल

व्हिडिओ

ताज्या बातम्या
“मुलींना मेसेज करता तेव्हा त्यांचे कपडे…” चेतन भगत यांच्या वक्तव्यानंतर उर्फी जावेद संतापली
FIFA World Cup 2022: ‘एमबाप्पे हा एक उत्कृष्ट खेळाडू’, प्रशिक्षक डेशॅम्प्स यांनी डेन्मार्कच्या सामन्यानंतर केला कौतुकाचा वर्षाव
‘सरकारला साहित्यिकांची भीती म्हणूनच त्यांनी द्वादशीवारांना डावलले’; प्रभा गणोरकर यांची साहित्य क्षेत्रातील सरकारी हस्तक्षेपावरुन टीका
प्रेमभंग झाल्यानंतरचा अनुभव शेअर करताना नोरा फतेहीला अश्रू अनावर; म्हणाली, “त्यावेळी मी…”
“मी कुठेतरी वाचलंय, रेडा हे…”, उदय सामंत यांचा उद्धव ठाकरेंना टोला; म्हणाले, “पाच महिन्यांपूर्वी आम्ही वाघ होतो!”