“भाजपा आमदार संपर्कात”; खडसेंच्या दाव्यावर पडळकरांचं प्रत्युतर; म्हणाले, “पहाटेपर्यंत १७० आमदार…” | Loksatta

“भाजपा आमदार संपर्कात”; खडसेंच्या दाव्यावर पडळकरांचं प्रत्युतर; म्हणाले, “पहाटेपर्यंत १७० आमदार…”

एकनाथ खडसे यांनी भाजपाचे अनेक आमदार आपल्या संपर्कात असल्याचा दावा केला. यावर आता भाजपा आमदार गोपीचंद पडळकर यांनी प्रतिक्रिया दिलीय.

“भाजपा आमदार संपर्कात”; खडसेंच्या दाव्यावर पडळकरांचं प्रत्युतर; म्हणाले, “पहाटेपर्यंत १७० आमदार…”
एकनाथ खडसे व गोपीचंद पडळकर (संपादित छायाचित्र)

विधान परिषद निवडणुकीच्या पार्श्वभूमीवर महाविकासआघाडी आणि भाजपाच्या नेत्यांमध्ये जोरदार शाब्दिक युद्ध सुरू आहे. दोन्ही बाजूने वेगवेगळे दावे केले जात आहेत. भाजपामधून राष्ट्रवादी काँग्रेसमध्ये गेलेले एकनाथ खडसे यांनी भाजपाचे अनेक आमदार आपल्या संपर्कात असल्याचा दावा केला. यावर आता भाजपा आमदार गोपीचंद पडळकर यांनी प्रतिक्रिया दिलीय. यात त्यांनी १७० आमदार असणारे पहाटेपर्यंत जागे का जागे होते? असा सवाल केला. ते सोमवारी (२० जून) विधीमंडळात मतदानानंतर पत्रकारांशी बोलत होते.

गोपीचंद पडळकर म्हणाले, “१७० आमदार असणाऱ्यांची बैठक पहाटे संपल्याचं माध्यमातून ऐकलं. भाजपाची बैठक रात्री साडेआठ वाजताच संपली. १७० आमदार असणारे पहाटेपर्यंत कशासाठी जागे आहेत? म्हणजे महाराष्ट्राच्या जनतेच्या लक्षात येतंय की त्यांच्यात काहीतरी गोंधळ उडाला आहे.”

“आज कुणीही पावसात भिजलं तरी निकालावर परिणाम होणार नाही”

गोपीचंद पडळकर यांनी शरद पवार यांचं नाव न घेता त्यांनाही टोला लगावला. ते म्हणाले, “विधान परिषद निवडणुकीत भाजपाचे सर्व पाच उमेदवार निवडून येणार आहेत. आज कुणीही पावसात भिजलं तरी त्याचा निवडणुकीवर काही परिणाम होणार नाही.”

“राज्यात २०१९ च्या विश्वासघातानंतर पहिल्यांदा आमदारांना मत व्यक्त करण्याची योग्य संधी”

“भाजपा लोकशाहीवर विश्वास ठेवणारा पक्ष आहे. त्यामुळे या राज्यात २०१९ चा जो विश्वासघात झाला, जनतेने दिलेल्या कौलाच्या पाठीत खंजीर खुपसून सरकार स्थापन करण्यात आलं. परंतू आमदारांना पहिल्यांदा त्यांचं मत व्यक्त करण्याची योग्य संधी आली आहे,” असं मत गोपीचंद पडळकर यांनी व्यक्त केलं.

“लोकांनी युतीचं सरकार येण्यासाठी १६१ आमदार युतीचे निवडून दिले होते”

गोपीचंद पडळकर पुढे म्हणाले, “ज्या लोकांमधून हे आमदार निवडून आले आहेत त्या लोकांनी युतीचं सरकार येण्यासाठी १६१ आमदार युतीचे निवडून दिले होते. त्यामुळे आज हे सर्व आमदार मतदानातून व्यक्त होतील.”

हेही वाचा : “अशा लोकांना मी विकृत राजकीय…”, रुपाली पाटलांची गोपीचंद पडळकरांवर जहरी टीका

“अपक्ष आमदारांची मविआने अनेकदा अब्रू घालवली”

“अपक्ष आमदारांची मविआने अनेकदा अब्रू घालवली. ते लोकांमधून निवडून आले आहेत. त्यांच्या विश्वासार्हतेवर यांनी प्रश्नचिन्ह निर्माण केले. लोकांमध्ये या आमदारांविषयी मत कलुषित करण्याचा प्रयत्न झाला आहे. ते सर्व आमदार आजच्या दिवशी मतदानातून नक्कीच व्यक्त होतील,” असंही पडळकरांनी नमूद केलं.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
“शाहरुख खानच्या मन्नत बंगल्याचा करार १९८१ मध्येच संपला, आजपर्यंत एकाही मुख्यमंत्र्यांनी…”, हर्षवर्धन जाधवांचा गंभीर आरोप

संबंधित बातम्या

विश्लेषण: मुंबई सुशोभीकरण प्रकल्प कसा आहे?
चंद्रकांत पाटील यांच्या वक्तव्याने वाद; डॉ. आंबेडकर, महात्मा फुले यांच्याबद्दल वादग्रस्त विधान
मोदींच्या गुजरातमध्ये सात महिन्यांपूर्वीच नोटा रद्द?
भाजपापुरस्कृत दौऱ्यावर कोण गुन्हे दाखल करणार?; राज ठाकरेंच्या आरोपांनंतर संजय राऊतांची प्रतिक्रिया
कलानगर स्कायवॉकचे पाडकाम लवकरच ; पुनर्बाधणी ऑक्टोबरपासून

व्हिडिओ

ताज्या बातम्या
रणबीर कपूरला सतावते भविष्याची काळजी, लेकीचा उल्लेख करत म्हणाला, “ती २० वर्षांची होईल तेव्हा मी…”
विश्लेषण : सुपरहिरोजपेक्षा ‘अवतार’ का ठरतो सरस? जेम्स कॅमेरुन यांचा मॅजिकल टच कसा ठरतो यशाचा हीट फॉर्म्युला?
FIFA World Cup 2022: ब्राझीलच्या पराभवानंतर संघात अस्वस्थता प्रशिक्षक टिटे यांनी घेतला मोठा निर्णय
नेयमार मैदानात कधीच दिसणार नाही? FIFA World Cup मधून ब्राझील अनपेक्षितरित्या बाहेर पडल्यानंतर म्हणाला, “हा शेवट आहे असं…”
“हे अकलेचे कांदे…”, चंद्रकांत पाटलांच्या ‘त्या’ विधानावर संजय राऊतांचा टोला; म्हणाले, “तुमच्या तिजोरीत येणारे पैसे…”