मुंबई : पतंग उडविण्यासाठी वापरण्यात येणाऱ्या मांजामध्ये अडकून जखमी होणाऱ्या पक्ष्यांच्या मदतीसाठी ‘रेस्क्यूइंक असोसिएशन फॉर वेल्फेअर’ (रॉ) संस्थेतर्फे स्वतंत्र मदत क्रमांक (हेल्पलाइन क्रमांक) सुरू केली आहे. पक्ष्यांच्या बचाव कार्यासाठी एक रुग्णवाहिका, पशुवैद्यकीय डॉक्टर आणि स्वयंसेवकांचे पथक सज्ज करण्यात आले आहे.

मकरसंक्रांतीनिमित्त मंगळवार, १४ जानेवारी रोजी सर्वत्र पतंग उडवण्यात येतात. अनेक ठिकाणी पतंग उडवण्याची स्पर्धाही आयोजित करण्यात येते. दरवर्षी पतंग उडविण्याचा आनंद लुटत असताना  मांजामुळे अनेक पक्षी जखमी होतात. यामध्ये काहींचा मृत्यूही होतो. मांजामुळे कापल्याने होणाऱ्या अपघातांचे प्रमाण वाढत आहे.  दरवर्षी अनेक कबुतरे, कावळे, घुबड, पोपट, घार आणि फुलपाखरे आदी त्यात बळी पडतात. या पार्श्वभूमीवर ‘रॉ’ संस्थेने बचावकार्य मोहीम हाती घेतली आहे. पतंगाचा मोह आवरावा व मांज्यामुळे जखमी पक्षी निदर्शनास आल्यास त्याला तात्काळ मदत करावी, तसेच जखमी पक्षी दिसल्यास ‘रॉ’ या स्वयंसेवी संस्थेशी संपर्क साधावा, असे आवाहन करण्यात आले आहे. सण साजरा करताना त्याचा दुसऱ्यांना त्रास होणार नाही याची खबरदारी घेणे गरजेचे आहे, अशी विनंती पक्षीप्रेमी व स्वयंसेवी संस्थांनी केली आहे. त्यामुळे जखमी पक्षी आढळल्यास संस्थेच्या मदत क्रमांक ७६६६६८०२०२ वर संपर्क साधावा, अशी विनंती संस्थेतर्फे करण्यात आली केली.

Forest dept probes elephant procession in Pirangut
आमदाराची हत्तीवरून मिरवणूक कार्यकर्त्यांना महागात; संयोजकासह सांगलीच्या श्री गणपती पंचायतन देवस्थानच्या अध्यक्षावर गुन्हा
mh370 search operation malaysian airlines
Malasian Airlines: बेपत्ता MH370 चा शोध; पुण्यातील प्रल्हाद…
No bird flu death reported in Dhule but 27 Rapid Response Teams activated precaution
धुळ्यात ‘बर्ड फ्लू’ प्रादूर्भावापूर्वीच २७ पथके तैनात, कुक्कुट व्यावसायिकांना सूचना
Thousands of foreign birds arrived in Uran with flamingos moving due to Water bodies dried
उरणमध्ये फ्लेमिंगो नव्या पाणथळींच्या शोधात
Bhandara District, Sarpewada , Tiger, citizens crowd,
VIDEO : नरभक्षक वाघ दिसताच नागरिकांचा गोंधळ, सुरक्षा उपायांची…
Palghar bird flu updates in marathi
पालघरमध्ये बर्ड फ्लू चा शिरकाव नाही; पशुसंवर्धन विभागाने प्रतिबंधात्मक उपाययोजनांची केली अंमलबजावणी
Preparations In Full Swing For 58th Nirankari Sant Samagam
पिंपरीत आजपासून निरंकारी संत समागम; देश, विदेशातील भक्त दाखल
JNPA Workshop on Green Port Initiative
जेएनपीएची हरित बंदराकडे वाटचाल; बंदर परिसरातील प्रदूषण कमी करण्यासाठी विविध उपक्रम

हेही वाचा >>>मुदतठेवींमध्ये १० हजार कोटींची घट; पालिकेचा राखीव निधी ९१ हजार कोटींवरून ८१ हजार कोटींवर

चिनी आणि नायलॉन निर्मिती, विक्री, साठवण, खरेदी आणि वापर यावर कायद्याने बंदी आहे. तरीदेखील या मांजाचा वापर होत आहे. यामुळे दरवर्षी अनेक पक्ष्यांना गंभीर दुखापत होते. जखमी पक्षी दिसल्यास त्यांना तात्काळ मदत मिळावी यासाठी ही मोहीम राबविण्यात येत आहे-पवन शर्मा, अध्यक्ष, रेस्क्यूइंक असोसिएशन फॉर वेल्फेअर

जखमी पक्षी दिसल्यास काय करावे?

पक्षी सुरक्षित, कमी आवाजाच्या ठिकाणी ठेवावा.

पक्ष्याभोवती गुरफटलेला मांजा जोरात ओढून काढू नये.

 पक्षाला जास्त हाताळू नये.

खाणे किंवा पाणी प्यायला देणे टाळावे.

मदतीस विलंब करू नये.

Story img Loader