मुंबई : म्हाडाचे वांद्रे पूर्व येथील मुख्यालय असलेल्या म्हाडा भवनात घराचा ताबा घेण्यासह विविध कामांसाठी तान्ह्या बाळाला सोबत घेऊन येणाऱ्या महिलांची अनेकदा अडचण होते. स्तनपान वा बाळाच्या आरामासाठी जागा नसल्याने त्यांची गैरसोय होते. आता मात्र त्यांची ही गैरसोय दूर होणार आहे. आता म्हाडा भवनात सुसज्ज असे हिरकणी कक्ष उभारण्यात येणार आहे. तीन – चार दिवसांत या हिरकणी कक्षाच्या कामाला सुरुवात होणार असून १५ दिवसांत हा कक्ष कार्यान्वित होण्याची शक्यता आहे. हा कक्ष कार्यान्वित झाल्यास तान्ह्या बाळासह म्हाडा भवनात येणाऱ्या महिलांना एक चांगली सुविधा उपलब्ध होणार आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

भारतीय स्तनपान प्रसारक मंडळाने स्तनदा माता आणि बाळांचे आजार यावर मात करण्यासाठी हिरकणी कक्ष ही संकल्पना मांडली. त्यानुसार राज्य सरकारने प्रत्येक शासकीय कार्यालयात हिरकणी कक्ष उपलब्ध करण्यासंबंधी परिपत्रक प्रसिद्ध केले. हा कक्ष नेमका कसा असावा, या कक्षात कोणकोणत्या सुविधा असाव्यात यासंबंधीच्या मार्गदर्शक सूचनाही प्रसिद्ध करण्यात आल्या. राज्य सरकारच्या या निर्देशानुसार म्हाडाकडून म्हाडा भवनातील दुसऱ्या मजल्यावर हिरकणी कक्ष तयार करण्यात आला. मात्र या कक्षाबाबत कोणालाही माहिती नसल्याने आणि तेथे कोणत्याही सोयी-सुविधा नसल्याने त्याचा वापर होत नव्हता. तर दुसरीकडे मुंबई मंडळाच्या आणि कोकण मंडळाच्या पणन कक्षात घराचा ताबा घेण्यासह इतर कामांसाठी येणाऱ्या महिला, तसेच तान्ह्या बाळाला सोबत घेऊन येणाऱ्या महिलांची संख्या मोठी आहे. तान्ह्या बाळाला सोबत घेऊन येणाऱ्या महिलांना स्तनपानासाठी व्यवस्था नसल्याने गैरसोय होत आहे. तर बाळाला कुठे झोपवावे हाही प्रश्न असतो. या बाबी लक्षात घेऊन मुंबई मंडळाने आता हिरकणी कक्ष सुसज्ज करण्याचा निर्णय घेतल्याची माहिती मुंबई मंडळातील वरिष्ठ अधिकाऱ्याने दिली.

आणखी वाचा

हेही वाचा – सोडतीला प्रतिसाद वाढतोय, इच्छुक अर्जदार लाखा पार; अनामत रक्कमेसह ७९ हजारांहून अधिक अर्ज

हेही वाचा – Mumbai Ganesh Visarjan 2024 : ढोल-ताशाच्या गजरात गणेश विसर्जन

म्हाडा भवनातील दुसऱ्या मजल्यावरील खोली क्रमांक ३३४ मध्ये सुसज्ज असा हिरकणी कक्ष उभारण्यात येणार आहे. यात खुर्ची, खाट, चटई, पिण्याचे पाणी यासह अन्य काही सुविधा उपलब्ध करण्यात येणार असल्याचेही अधिकाऱ्याने सांगितले. सुसज्ज अशा या हिरकणी कक्षाच्या उभारणीसाठी दोन लाख रुपये खर्च अपेक्षित असून या हिरकणी कक्षाच्या कामासाठी मुंबई मंडळाने नुकत्याच निविदा मागविल्या होत्या. शुक्रवारपर्यंत निविदा अंतिम करून तात्काळ कक्षाच्या कामाला सुरुवात करण्यात येणार आहे. येत्या १५ दिवसांत हिरकणी कक्ष कार्यान्वित करण्यात येणार असल्याचेही अधिकाऱ्याने सांगितले. हा कक्ष कार्यान्वित झाल्यास म्हाडा भवनात तान्ह्या बाळासह येणाऱ्या महिलांची मोठी सोय होणार आहे.

भारतीय स्तनपान प्रसारक मंडळाने स्तनदा माता आणि बाळांचे आजार यावर मात करण्यासाठी हिरकणी कक्ष ही संकल्पना मांडली. त्यानुसार राज्य सरकारने प्रत्येक शासकीय कार्यालयात हिरकणी कक्ष उपलब्ध करण्यासंबंधी परिपत्रक प्रसिद्ध केले. हा कक्ष नेमका कसा असावा, या कक्षात कोणकोणत्या सुविधा असाव्यात यासंबंधीच्या मार्गदर्शक सूचनाही प्रसिद्ध करण्यात आल्या. राज्य सरकारच्या या निर्देशानुसार म्हाडाकडून म्हाडा भवनातील दुसऱ्या मजल्यावर हिरकणी कक्ष तयार करण्यात आला. मात्र या कक्षाबाबत कोणालाही माहिती नसल्याने आणि तेथे कोणत्याही सोयी-सुविधा नसल्याने त्याचा वापर होत नव्हता. तर दुसरीकडे मुंबई मंडळाच्या आणि कोकण मंडळाच्या पणन कक्षात घराचा ताबा घेण्यासह इतर कामांसाठी येणाऱ्या महिला, तसेच तान्ह्या बाळाला सोबत घेऊन येणाऱ्या महिलांची संख्या मोठी आहे. तान्ह्या बाळाला सोबत घेऊन येणाऱ्या महिलांना स्तनपानासाठी व्यवस्था नसल्याने गैरसोय होत आहे. तर बाळाला कुठे झोपवावे हाही प्रश्न असतो. या बाबी लक्षात घेऊन मुंबई मंडळाने आता हिरकणी कक्ष सुसज्ज करण्याचा निर्णय घेतल्याची माहिती मुंबई मंडळातील वरिष्ठ अधिकाऱ्याने दिली.

आणखी वाचा

हेही वाचा – सोडतीला प्रतिसाद वाढतोय, इच्छुक अर्जदार लाखा पार; अनामत रक्कमेसह ७९ हजारांहून अधिक अर्ज

हेही वाचा – Mumbai Ganesh Visarjan 2024 : ढोल-ताशाच्या गजरात गणेश विसर्जन

म्हाडा भवनातील दुसऱ्या मजल्यावरील खोली क्रमांक ३३४ मध्ये सुसज्ज असा हिरकणी कक्ष उभारण्यात येणार आहे. यात खुर्ची, खाट, चटई, पिण्याचे पाणी यासह अन्य काही सुविधा उपलब्ध करण्यात येणार असल्याचेही अधिकाऱ्याने सांगितले. सुसज्ज अशा या हिरकणी कक्षाच्या उभारणीसाठी दोन लाख रुपये खर्च अपेक्षित असून या हिरकणी कक्षाच्या कामासाठी मुंबई मंडळाने नुकत्याच निविदा मागविल्या होत्या. शुक्रवारपर्यंत निविदा अंतिम करून तात्काळ कक्षाच्या कामाला सुरुवात करण्यात येणार आहे. येत्या १५ दिवसांत हिरकणी कक्ष कार्यान्वित करण्यात येणार असल्याचेही अधिकाऱ्याने सांगितले. हा कक्ष कार्यान्वित झाल्यास म्हाडा भवनात तान्ह्या बाळासह येणाऱ्या महिलांची मोठी सोय होणार आहे.