आव्हानात्मक परिस्थितीतून मार्ग काढत आपल्या कर्तृत्वाने आभाळाएवढे मोठय़ा झालेल्या समाजातील नऊ कर्तबगार स्त्रियांचा सत्कार ‘लोकसत्ता’च्या वतीने नुकताच नऊ नामवंतांच्या हस्ते करण्यात आला. स्त्रीशक्तीच्या या सृजनात्मक आविष्काराला सलाम करण्यासाठी ‘लोकसत्ता’ने राबविलेल्या या उपक्रमाची वाचकांनी मोठय़ा प्रमाणावर प्रशंसा केली. या नवदुर्गाच्या सत्काराच्या संगीतमय सोहळ्याचे प्रक्षेपण एबीपी माझा वृत्तवाहिनीवर होणार आहे. रविवार, २९ नोव्हेंबर रोजी सायंकाळी ६ ते ७ या वेळात हा कार्यक्रम होईल.