मुंबई : प्रत्येक जिल्ह्यामध्ये कर्करोग रुग्णांसाठी डे केअर केंद्र सुरू करण्याची घोषणा नुकतीच केंद्र सरकारने अर्थसंकल्पामध्ये केली. त्यापाठोपाठ आता सार्वजनिक आरोग्य विभागाने पुढील एक ते दोन दिवसांमध्ये राज्यातील प्रत्येक जिल्ह्यामध्ये कर्करोग रुग्णांसाठी डे केअर केंद्र सुरू करण्याचा निर्णय घेतला आहे. त्या पार्श्वभूमीवर, जागतिक कर्करोग दिनानिमित्त राज्यातील सहा जिल्ह्यांमध्ये डे केअर केंद्र सुरू करण्यात येणार असून, त्यामुळे राज्यातील कर्करोग रुग्णांना दिलासा मिळाला आहे.

राज्यामध्ये सार्वजनिक आरोग्य व कुटुंब कल्याण मंत्री प्रकाश आबिटकर यांच्या संकल्पनेतून जागतिक कर्करोग दिनानिमित्त ‘राज्यस्तरीय कर्करोग तपासणी आणि जनजागृती मोहीम’ राबविण्यात येणार आहे. या मोहिमेदरम्यान महाराष्ट्रातील ३० वर्षावरील लोकांचे मौखिक, स्तन व गर्भाशयमुख कर्करोग तपासणी करण्याचे उद्दिष्ट ठेवण्यात आले आहे. या मोहीमेंतर्गत राज्यात निदान झालेल्या सर्व कर्करोग रुग्णांना आवश्यक उपचार विनामूल्य मिळण्यासाठी स्थानिक व जिल्हा पातळीवर कार्यक्रम राबविण्यात येणार आहे. या उपचारादरम्यान कर्करोग रुग्णांना डे केअर सुविधा उपलब्ध केली जाणार आहे.

Sky viewing program for students in Baramati
बारामतीत एन्व्हॉर्यमेंटल फोरम ऑफ इंडियाच्या वतीने बारामतीत विद्यार्थ्यांसाठी आकाशदर्शन कार्यक्रम
Manoj Jarange, Manoj Jarange movement,
विश्लेषण : मनोज जरांगे यांच्या आंदोलनाचा प्रभाव ओसरला?…
cancer hospital in baramati
बारामती येथून जिल्हास्तरीय कर्करोग तपासणी व जनजागृती मोहिमेचा शुभारंभ
municipal corporations budget focuses on cancer treatment including checks for mouth breastand ovarian cancer
मुंबई महानगरपालिकेच्या प्रसूतिगृहांमध्ये महिलांची कर्करोग तपासणी करणार
medical education minister hasan mushrif directed colleges and hospitals to enhance services and facilities for resident doctors
निवासी डॉक्टरांना आवश्यक सेवा-सुविधा द्या : मुश्रीफ
national medical commission will form expert committee to improve and standardize PG courses
वैद्यकीय अभ्यासक्रमाच्या गुणवत्ता वाढीसाठी तज्ज्ञ समिती स्थापन करणार,राष्ट्रीय वैद्यकीय आयोगाकडून प्राध्यापकांना सहभागी होण्याचे आवाहन
World Cancer Day Lung Cancer Cases In Never-Smokers On The Rise Lancet Study
कधीही सिगारेट न ओढणाऱ्यांमध्ये वाढतेय फुप्फुसाच्या कर्करोगाचे प्रमाण; संशोधनाचा धक्कादायक निष्कर्ष
Tata Hospital to start super specialty hospital for cancer
कर्करोग रुग्णांसाठी टाटा रुग्णालय सुरू करणार अतिविशेषोपचार रुग्णालय

सध्या राज्यामध्ये १४ जिल्ह्यांमध्ये डे केअर केंद्र आहेत. त्यामुळे उर्वरित जिल्ह्यांतील रुग्णांना डे केअर सुविधा उपलब्ध व्हावी, यासाठी पुढील एक ते दोन महिन्यांमध्ये सर्व जिल्ह्यांमध्ये डे केअर केंद्र सुरू करण्यात येणार आहेत. ठाणे, सोलापूर, अहिल्यानगर, छत्रपती संभाजीनगर, नांदेड, वर्धा या सहा जिल्ह्यांमध्ये कर्करोग रुग्णांसाठी डे केअर किमोथेरपी सेंटर सुरू करण्यात येणार असल्याची माहिती सार्वजनिक आरोग्य विभागाकडून देण्यात आली आहे.

जनजागृतीवर भर

‘राज्यस्तरीय कर्करोग तपासणी आणि जनजागृती मोहीम’ यशस्वी होण्यासाठी सर्व जिल्हा शल्यचिकित्सक, जिल्हा आरोग्य अधिकारी, वैद्यकीय आरोग्य अधिकारी (मनपा) यांनी आपापसांत समन्वय साधून मोहीम व कर्करोगाबाबत नागरिकांमध्ये आकाशवाणी, वृत्तपत्रे, केबल इत्यादी माध्यमांतून जनजागृती करण्यात यावी, अशा सूचना आरोग्य विभागाने दिल्या आहेत. तसेच यामध्ये इंडियन मेडिकल असोसिएशन (आयएमए), इंडियन डेंटल असोसिएशन (आयडीए), रोटरी क्लब, लायन्स क्लब, महाराष्ट्र कॅन्सर वॉरियर्स या खासगी संस्थांना सहभागी करून घेण्याच्या सूचना दिल्या आहेत.

Story img Loader