मुंबई : गेल्या दोन आठवड्यांपासून मध्य रेल्वेवर खोळंबा नाट्य सुरू आहे. मध्य रेल्वेवरील विक्रोळी येथे गुरुवारी सकाळच्या सुमारास तांत्रिक बिघाड झाल्याने लोकल सेवा कोलमडली. बराच वेळा लोकल एकाच ठिकाणी उभी राहिल्याने प्रवासी हवालदिल झाले होते. अखेर लोकलमधून उतरून प्रवाशांनी रेल्वे रूळावरून चालत पुढे जाणे पसंत केले. अनेक प्रवासी जीव धोक्यात घालून, रेल्वे रूळावर उतरून जवळचे स्थानक गाठत होते. त्यामुळे सकाळी कार्यालयात जाणाऱ्या प्रवाशांचे प्रचंड हाल झाले.

मध्य रेल्वेवरील छत्रपती शिवाजी महाराज टर्मिनस (सीएसएमटी) येथील नवीन इलेक्ट्रॉनिक इंटरलाॅकिंग यंत्रणेतील त्रुटीमुळे दररोज मध्य रेल्वेवरील लोकल विलंबाने धावत आहेत. तसेच लांबपल्ल्याच्या रेल्वेगाड्यांनाही विलंब होत आहे. दररोजच्या लेटलतीफ कारभारामुळे प्रवासी मेताकुटीस आले आहेत. त्यातच गुरुवारी सकाळी ७ वाजता विक्रोळी येथे सिग्नल यंत्रणेत बिघाड झाला. गर्दीच्या वेळी सकाळी सीएसएमटी दिशेकडे जाणाऱ्या मार्गावरच बिघाड झाल्याने लोकल एका मागे एक उभ्या होत्या. तसेच प्रवाशांची प्रचंड तारांबळ उडाली. लोकल का थांबल्या याबाबत प्रवाशांना माहिती मिळत नव्हती. कार्यालयात जाण्यास विलंब होत असल्याने अनेकांनी विक्रोळी येथे लोकलमधून उतरून रेल्वे रूळावरून चालत घाटकोपर स्थानक गाठले. त्यानंतर टॅक्सी, रिक्षा किंवा मेट्रोचा आधार घेत प्रवाशांनी इच्छितस्थळ गाठले. मात्र, अनेक ज्येष्ठ नागरिक, लहान मुले, महिलांना लोकलमध्ये बसून राहण्यावाचून पर्याय नव्हता. घटनास्थळी मध्य रेल्वेचे अधिकारी आणि कर्मचाऱ्यांनी धाव घेतली आणि सिग्नल यंत्रणेच्या दुरूस्तीच्या कामाला सुरुवात केली.

Central Railway, CSMT Local,
मुंबई : मध्य रेल्वे मार्गावर प्रवाशांचे हाल; सीएसएमटी लोकलची धाव परळ, कुर्ल्यापर्यंत
Bees attacked on women who had gone for vatpaurnima in Nive village of Poladpur taluka
रायगडात वटपूजन करताना अघटित घडले… जाणून घ्या काय आहे प्रकार…
Mumbai local 24 years ago old video goes viral
मुंबई लोकलमध्ये २५ वर्षांपूर्वी किती गर्दी असायची? सोशल मीडियावर व्हायरल झालेला Video पाहाच
Thane railway station local train Rush video train ladies coach crowd
एकीकडे पावसाचा कहर दुसरीकडे महिलांच्या किंकाळ्या अन् आरडाओरडा; ठाणे रेल्वे स्थानकात भयंकर गर्दीचा VIDEO व्हायरल
Young girl photoshoot on dam and she fell in dam water shocking video
VIDEO: जीव एवढा स्वस्त असतो का? रीलच्या नादात होत्याचं नव्हतं झालं; पाण्याच्या प्रवाहात तरुणी क्षणात दिसेनाशी झाली
video having fun with the kids under the waterfall suddenly the water level rose and the picture changed shocking video goes viral
लोणावळ्याची घटना ताजी असतानाच आणखी एक VIDEO समोर; काही सेंकदांत घेतलेल्या निर्णयामुळे असा बचावला चिमुकला
Central Railway Platform Issues In Monsoon
डोंबिवली, दिवा, बदलापूरमधील प्लॅटफॉर्म्सवर छप्पर नसल्याने भडकले प्रवासी; छत्री घेऊन पळापळ, मध्य रेल्वेने दिलेलं उत्तर वाचा
navneet rana uddhav thackeray
“मी पराभूत झालेय, उद्धव ठाकरेंनी आता तरी…”, नवनीत राणांचं वक्तव्य चर्चेत

हेही वाचा… मुंबई : कफ परेडमधील कॅप्टन प्रकाश पेठे मार्गावरील ४०० मीटर रस्ता मोकळा

दुरुस्तीचे काम सकाळी ७.४८ वाजता पूर्ण झाले. मात्र, या कालावधीत मध्य रेल्वेवरील सर्व स्थानकांत प्रवाशांची प्रचंड गर्दी झाली होती. लोकल सेवा २० ते ३० मिनिटे विलंबाने धावत होती. तसेच वातानुकूलित लोकलचे वेळापत्रक कोलमडले होते. परिणामी, प्रवासी वातानुकूलित लोकलची वाट पाहत स्थानकात थांबले होते. लोकलच्या बिघाडाबाबत अनेक प्रवाशांनी संताप व्यक्त केला. मध्य रेल्वेने सीएसएमटी येथे ३६ तासांचा ब्लाॅक घेऊन केलेल्या कामांनंतर गेल्या दोन आठवडे लोकल विलंबयातना सहन कराव्या लागत आहेत. तर, तांत्रिक बिघाडामुळे कार्यालयात वेळेवर पोहचणे कठीण होत आहे, असे मत प्रवाशांनी व्यक्त केले.

हेही वाचा… Maharashtra News Live Updates : सुनेत्रा पवारांच्या राज्यसभेच्या उमेदवारीवरून अजित पवार गटात वाद? छगन भुजबळ म्हणाले, “मी इच्छूक होतो”

विक्रोळी स्थानकाजवळ तांत्रिक बिघाडामुळे लोकल थांबल्या होत्या. मात्र, काही कालावधीत तांत्रिक बिघाड दुरूस्त करून लोकल सेवा सुरू करण्यात आली. परंतु, काही लोकल वेळापत्रकानुसार न धावता विलंबाने धावत आहेत, असे मध्य रेल्वे प्रशासनाकडून सांगण्यात आले.