मुंबई : पोलीस शिपाई विशाल पवार यांच्या मृत्यूचे गूढ आणखी वाढले आहे. पवार यांच्या हाताला फटका मारून त्यांच्या मोबाइलची चोरी आणि चोरट्यांकडून विषारी इंजेक्शन दिल्याबाबतचे कोणतेही पुरावे तपासात सापडले नाहीत. तसेच माटुंगा व शीव रेल्वे स्थानकांदरम्यान असा कुठलाही प्रकार घडला नसल्याचे प्राथमिक तपासात उघड झाले आहे. याशिवाय दादर व ठाणे येथील सीसी टीव्ही कॅमेऱ्यातील चित्रणात पोलीस शिपाई विशाल पवार दिसले. त्यामुळे पवार यांनी मृत्यूपूर्वी दिलेल्या माहितीत तथ्य नसल्याचे आढळून आले आहे.

रेल्वे पोलीस दलातील सूत्रांनी दिलेल्या माहितीनुसार, घटनेच्या दिवशी पवार कामावर गेलेच नाहीत. दादर व ठाणे येथील दोन बारजवळील सीसी टीव्ही कॅमेऱ्यामध्ये पवार दिसले. त्यामुळे कोपरी येथे रुग्णालयात पवार यांनी दिलेली माहिती खोटी असल्याचे निष्पन्न झाले आहे. पण त्यांचा मृत्यू नेमका कशामुळे झाला, ते अद्याप स्पष्ट झालेले नाही.

Budh Vakri 2024
५ ऑगस्टपासून ‘या’ राशीधारकांना अपार श्रीमंतीसह लाभेल समृद्धी? बुधदेवाच्या वक्री चालीने मिळू शकतो गडगंज पैसा
Young Woman Drowns at Marine Drive, Young Woman Suspected Suicide Marine Drive, Police Investigate, marine drive, Mumbai news
मरीन ड्राईव्ह येथील समुद्रात तरूणीची आत्महत्या
Ayodhya Poul
Ayodhya Poul : सोशल मीडियापासून दूर राहिलेल्या अयोध्या पौळ यांनी दिली प्रकृतीची माहिती; म्हणाल्या, “गर्भाशयाच्या आजारामुळे…”
lung cancer in non smokers
धूम्रपान न करणार्‍यांनाही होतोय कॅन्सर, संशोधनात धक्कादायक माहिती उघड; काय आहेत कारणं?
passenger dies in metro station in pune after falling down on escalator
मेट्रो स्थानकात प्रवाशाचा मृत्यू; सरकत्या जिन्यावरून उतरताना घटना; पोलीस सीसीटीव्ही फुटेज तपासणार
pune Municipal Corporation, pune Municipal Corporation take action against Unauthorized Constructions pubs, 23 authorized pubs in pune, pune news,
पुणे शहरातील ‘इतक्याच’ पबकडे आवश्यक परवाने… अनधिकृत बांधकामांवरील धडक कारवाई सुरूच…
loksatta analysis what is front running and why sebi investigating quant mutual
विश्लेषण : ‘क्वांट म्युच्युअल फंडा’च्या चौकशीची वेळ का आली? ‘फ्रंट रनिंग’ म्हणजे काय?
old man swept away in flood water in buldhana district
बुलढाणा : वृध्द पुरात वाहून गेला; शोधमोहीम सुरू

हेही वाचा : मुंबईत येत्या ३६ तासांत समुद्रात उंच लाटा उसळण्याची शक्यता, आयएमडी आणि आयएनसीओआयएसचा इशारा

तपास पथकाने ठाणे- भायखळादरम्यानचे घटनेच्या दिवसाचे सीसी टीव्ही कॅमेऱ्यातील सर्व चित्रण तपासले. त्यात पवार यांनी शनिवारी ठाण्यावरून सीएसएमटी लोकल पकडली. पण भायखळ्याला उतरण्याऐवजी ते दादरला उतरले. पवार दादर रेल्वे स्थानकाच्या बाहेर रात्री १२ च्या सुमारास दिसले. यावेळी त्यांनी दादर येथून मोबाइलवरून चुलत भावाशी संपर्क साधला होता. तेथून ते दोन किलोमीटर चालत परळला गेले. तेथील स्थानकावर संपूर्ण रात्र ते झोपले होते. त्यानंतर ते परळ येथून माटुंग्याला लोकलने गेले. तेथे काही वेळ घालवल्यानंतर त्यांनी लोकलने ठाणे स्थानक गाठले. त्यानंतर त्यांनी एका नातेवाईकाला ठाण्याजवळ बोलावले. घरी सकाळी साडेअकराला पोहोचल्यानंतर त्यांना उलट्या झाल्या. त्यामुळे मृत्यूपूर्वी विशाल पवार यांनी दिलेली माहिती व तपासात निष्पन्न झालेली माहिती यात तफावत आढळून आली आहे. त्यामुळे शवविच्छेदन अहवालातून पवार यांच्या मृत्यूचे नेमके कारण स्पष्ट होऊ शकेल.