व्यवहार नियमानुसारच : पाटील

जयंत पाटील यांच्याशी संबंधित कासेगाव एज्युकेशन सोसायटीसंदर्भात ‘आधी सरकारकडून जमीन, मग संपादनाचा मोबदला’ या शीर्षकाचे वृत्त ‘लोकसत्ता’च्या बुधवारच्या अंकात प्रसिद्ध झाले होते.

मुंबई : फार वर्षांपूर्वी शासनाने ग्रामपंचायतीचा संबंध नसणारी आणि शासनाकडे ताब्यात असणारी शिरढोण येथील जागा शैक्षणिक कामासाठी संस्थेला दिली होती. संस्थेच्या जागेतून रस्ता गेल्याने न मागता त्या भागातील सगळ्यांप्रमाणे संस्थेलाही भरपाई मिळाली. हे पैसे तसेच आहेत. हे प्रकरण न्यायप्रविष्ट असून, त्यावर भाष्य करणे योग्य नाही. जे काही आहे ते नियमानुसार झाले आहे. पैसे संस्थेने ठेवले असून, याचा निर्णय झाल्यानंतर योग्य ती कार्यवाही करू, अशी प्रतिक्रिया जलसंपदामंत्री जयंत पाटील यांनी बुुधवारी व्यक्त केली.

जयंत पाटील यांच्याशी संबंधित कासेगाव एज्युकेशन सोसायटीसंदर्भात ‘आधी सरकारकडून जमीन, मग संपादनाचा मोबदला’ या शीर्षकाचे वृत्त ‘लोकसत्ता’च्या बुधवारच्या अंकात प्रसिद्ध झाले होते. याबाबत पाटील यांनी स्पष्टीकरण दिले. ग्रामस्थांनी जिल्हाधिकाऱ्यांकडे मागणी करुनही निधी संस्थेच्या नावाने वर्ग केल्याबाबत विचारणा के ली असता ग्रामस्थांनी त्या जागेबद्दल अशी कोणतीही मागणी केलेली नव्हती, असे पाटील म्हणाले. नंतर खटला दाखल करण्यात आला. हा खटला न्यायालयात आहे. पण, भरपाईबद्दल मलाही माहिती नव्हते. चौकशी केली असता संस्थेचे नाव असल्याने ते पैसे मिळाले, अशी माहिती मिळाली. हे पैसे वेगळे ठेवण्यात आले आहेत, असेही पाटील यांनी नमूद के ले.

या बाबतचे वृत्त ‘लोकसत्ता’ने  बुधवारच्या अंकात प्रसिद्ध केले होते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: In the possession of the government to the institution for educational work compensation akp

Next Story
केरोसीन अनुदानाचे वितरण बँक खात्यांच्या माध्यमातून- अनिल देशमुख
ताज्या बातम्या