संजय राऊत यांचे सोमय्यांना पत्र मुंबई : पिंपरी-चिंचवड स्मार्ट सिटी प्रकल्पातील कं त्राटांमध्ये ५०० कोटी रुपयांचा घोटाळा झाल्याबाबतची कागदपत्रे आपल्याला पाठवत असून क्रि स्टल इंटिग्रेटेड सर्व्हिसेस प्रा. लि आणि आर्क स या कं पन्यांचा त्यात सहभाग असल्याचे दिसून येत आहे. आपण भ्रष्टाचारविरोधातील योद्धे असल्याने व आपण पाठवत असलेल्या प्रकरणांची ईडी तातडीने चौकशी करत असल्याने या प्रकरणातही ईडी चौकशी लावावी अशी मागणी करणारे पत्र शिवसेनेचे खासदार संजय राऊत यांनी भाजप नेते किरीट सोमय्या यांना पाठवले आहे. या दोन्ही कंपन्या भाजपच्या नेत्यांशी संबंधित असल्याने राऊत यांनी सोमय्या यांच्यावर डाव उलटवण्यासाठी अशी उपरोधिक भाषा वापरल्याची चर्चा आहे. महाविकास आघाडीच्या नेत्यांविरोधात एकानंतर एक आरोप करणारे किरीट सोमय्या आणि भाजप यांना प्रत्युत्तर देण्याच्या रणनीतीचा भाग म्हणून शिवसेनेने भाजपच्या नेत्यांशी संबंधित घोटाळ्यांची प्रकरणे बाहेर काढण्यास सुरुवात के ल्याचे संजय राऊत यांच्या पत्रावरून स्पष्ट होत आहे.
