मुंबई : इराण-इस्राएल युद्धाच्या वाढत्या तणावामुळे भारत सरकारने इस्रायलमध्ये असलेल्या आणि प्रवास करू इच्छिणाऱ्या नागरिकांसाठी सुरक्षिततेचा इशारा जारी केला आहे. ज्यात पुढील सुचनेपर्यंत इस्राएल प्रवास न करण्याच्या सूचना देण्यात आल्या आहेत. मुंबई विमानतळावरुन इराण- इस्राएलला जाणारी शनिवारी संध्याकाळी ६ पर्यंत ५७ विमाने रद्द करण्यात आली. त्यात २४ येणाऱ्या आणि ३४ जाणाऱ्या विमानांचा समावेश आहे.
मध्य आशिया अमेरिका-इझ्राएल आणि इराण यांच्यातील तीव्र संघर्षाने जागतिक विमान वाहतुकीला फटका बसला आहे. परिस्थितीचे गांभीर्य ओळखून भारतातील प्रमुख विमान कंपन्या एअर इंडिया आणि इंडिगो यांनी आखाती देशांतील सर्व उडाणांवर तात्काळ बंदी घातली आहे. २८ फेब्रुवारी २०२६ रोजी अमेरिका व इजराएलने ‘ऑपरेशन एपिक फ्यूरी’अंतर्गत इराणमधील रणनीतिक ठिकाणांवर संयुक्त हल्ले केले. प्रत्युत्तरादाखल इराणने क्षेपणास्त्रांनी यूएई, बहरीन व सौदी अरेबियाच्या काही भागात हल्ले केले. असुरक्षित हवाई क्षेत्रामुळे भारतीय विमान कंपन्यांनी प्रवाशांच्या सुरक्षेसाठी हे पाऊल उचलले.
एअर इंडिया व इंडिगोने याबाबत अधिकृत निवेदन जारी केले असून एअर इंडियाने आखाती देशांतील बिकट परिस्थितीमुळे खाड़ीतील सर्व गंतव्यांसाठी उडाणे निलंबित केल्याचे जाहीर केले. सुरक्षा ही आमची प्राथमिकता आहे. तसेच कंपनीने अमेरिका-युरोप मार्गावरील लाँग-हॉल उडाणांचेही मार्ग बदलले आहेत. इंडिगोने ईराण व परिसरातील हवाई प्रतिबंधांमुळे मध्यरात्रीपर्यंत सर्व उडाणे रद्द केल्याचे सांगितले.
दरम्यान दुबई, अबू धाबी, दोहा, जेद्दा, रियाद येथे अडकलेल्या हजारो भारतीय प्रवाशांना मोठा फटका बसला आहे. विमान कंपन्यांनी प्रवाशांना पूर्ण परतावा किंवा शुल्काविना विमानाचे पुनर्नियोजनाचा पर्याय दिला आहे. स्पाइसजेटनेही दुबई उडाणांबाबत इशारा दिला आहे.
