मुंबई : सर्वोच्च न्यायालयाने विलंबाबाबात ताशेरे ओढल्याच्या पार्श्वभूमीवर नवी दिल्लीत कायदेतज्ज्ञांशी सल्लामसलत केल्यावर विधानसभा अध्यक्ष राहुल नार्वेकर यांनी सोमवारपासून आमदारांच्या अपात्रतेवर सुनावणी सुरू करण्यात येणार असल्याचे जाहीर केले. सर्व आमदारांना उपस्थित राहण्यासाठी नोटीस बजाविण्यात येणार आहे. वेळ पडली तर शिवसेना (उद्धव बाळासाहेब ठाकरे) गटाचे प्रमुख उद्धव ठाकरे आणि मुख्यमंत्री एकनाथ शिंदे यांना सुनावणीसाठी विधिमंडळ कार्यालयाकडून नोटिसा पाठवण्यात येतील, अशी माहिती नार्वेकर यांनी शुक्रवारी दिली. या नोटिसा शनिवारीच विधिमंडळ कार्यालयाकडून पाठवण्यात येतील.
हेही वाचा >>> मुस्लीम आरक्षणासाठी अजित पवार आग्रही;शिंदे-फडणवीस यांच्याशी चर्चा करून निर्णय
विधानसभा अध्यक्ष नार्वेकर यांनी नवी दिल्लीत विविध कायदेतज्ज्ञांशी सल्लामसलत केली. ‘माझा दिल्ली दौरा हा पूर्वनियोजित होता. या दौऱ्यात कायदेतज्ज्ञांशी भेट झाली. सर्वोच्च न्यायालयाने एका आठवडय़ात सुनावणी घेण्यास सांगितले आहे. त्यानुसार पुढील आठवडय़ात सुनावणी घेतली जाईल. निर्णय घेताना कोणतीही घाई अथवा दिरंगाई केली जाणार नाही, असेही नार्वेकर यांनी स्पष्ट केले. आमदार अपात्रतेसंदर्भात शिवसेना (उद्धव बाळासाहेब ठाकरे)
Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Maha assembly speaker rahul narvekar announced mla disqualification hearing from monday zws
