scorecardresearch

सीमाप्रश्नी शहांनी मध्यस्थी केली म्हणजे काय केले?; संजय राऊत यांचा सवाल

सीमाप्रश्नी कर्नाटकचे मुख्यमंत्री बसवराज बोम्मई जाणूनबुजून आग लावण्याचा प्रयत्न करीत असून महाराष्ट्राचा रोज अपमान करीत आहेत.

सीमाप्रश्नी शहांनी मध्यस्थी केली म्हणजे काय केले?; संजय राऊत यांचा सवाल
संजय राऊत संग्रहित छायाचित्र

मुंबई : सीमाप्रश्नी कर्नाटकचे मुख्यमंत्री बसवराज बोम्मई जाणूनबुजून आग लावण्याचा प्रयत्न करीत असून महाराष्ट्राचा रोज अपमान करीत आहेत. तरीही मुख्यमंत्री एकनाथ शिंदे आणि उपमुख्यमंत्री देवेंद्र फडणवीस गप्प का, असा सवाल करीत शिवसेना खासदार संजय राऊत यांनी राज्य सरकारवर टीका केली. केंद्रीय गृहमंत्री अमित शहा यांनी मध्यस्थी केली म्हणजे नेमके काय केले, अशी विचारणा करीत परिस्थिती ‘जैसे थे’असल्याचे राऊत यांनी स्पष्ट केले. महाराष्ट्राला एक इंचभरही जमीन देणार नाही, असे कर्नाटकचे मुख्यमंत्री बोम्मई यांनी म्हटले असून त्यावर तीव्र प्रतिक्रिया उमटल्या आहेत.

सीमाप्रश्नी जनतेच्या भावना तीव्र असून एकमेकांशी सौहार्द ठेवून न्यायालयीन व कायदेशीर संघर्ष करणे अपेक्षित होते. दोन्ही राज्ये एकाच देशाचे घटक आहेत. महाराष्ट्राचे मुख्यमंत्री म्हणून एकनाथ शिंदे जर भूमिका घेत नसतील, तर ते या पदावर बसण्यास लायक नाहीत. अमित शहा यांच्याशी चर्चा करण्यासाठी दिल्लीला गेले असताना गुंगीचे औषध दिले का? एवढे हतबल सरकार कधी बघितले नव्हते, असे राऊत यांनी सांगितले.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 22-12-2022 at 00:02 IST

संबंधित बातम्या