मुंबईच्या महापौर स्नेहल आंबेकर यांची आई गीता हरिश्चंद्र देवरुखकर (६२) यांचे शनिवारी अल्पशा आजाराने निधन झाले. दादर येथील स्मशानभूमीत गीता देवरुखकर यांच्या पार्थिवावर अंत्यसंस्कार करण्यात आले. अंत्यसंस्काराच्या वेळी शिवसेनेसह विविध राजकीय पक्षांचे नेते मोठय़ा संख्येने उपस्थित होते. शिवसेना पक्षप्रमुख उद्धव ठाकरे यांनी महापौर स्नेहल आंबेकर यांची भेट घेऊन त्यांचे सांत्वन केले. या वेळी शिवसेनेतील नेते उपस्थित होते.
