MHADA projects failed Veterinary Hospital Women Hospital canceled tender ysh 95 | Loksatta

म्हाडाचे प्रकल्प बारगळले; पशुवैद्यकीय रुग्णालय, स्त्री रुग्णालय निविदा प्रतिसादाअभावी रद्द

‘म्हाडा’च्या मुंबई मंडळाने वांद्रे पश्चिम येथे पशुवैद्यकीय रुग्णालय, तसेच ओशिवरा येथे स्त्री रुग्णालय उभारण्याचा निर्णय घेतला असून मंडळाच्या भूखंडांवर ही रुग्णालये बांधण्यासाठी इच्छुकांकडून स्वारस्य निविदा मागविण्यात आल्या होत्या.

म्हाडाचे प्रकल्प बारगळले; पशुवैद्यकीय रुग्णालय, स्त्री रुग्णालय निविदा प्रतिसादाअभावी रद्द
संग्रहित छायाचित्र

मुंबई : ‘म्हाडा’च्या मुंबई मंडळाने वांद्रे पश्चिम येथे पशुवैद्यकीय रुग्णालय, तसेच ओशिवरा येथे स्त्री रुग्णालय उभारण्याचा निर्णय घेतला असून मंडळाच्या भूखंडांवर ही रुग्णालये बांधण्यासाठी इच्छुकांकडून स्वारस्य निविदा मागविण्यात आल्या होत्या. मात्र प्रतिसादाअभावी या निविदा रद्द करण्याची नामुष्की मंडळावर ओढावली आहे. परिणामी, या दोन्ही रुग्णालयांचे प्रकल्प बारगळले आहेत.

 सर्वसामान्यांना परवडणाऱ्या दरात हक्काची घरे देणाऱ्या ‘म्हाडा’ने सामाजिक बांधिलकी जपण्यासाठी गृहप्रकल्पासह वसतिगृह, पशुवैद्यकीय रुग्णालय, स्त्री रुग्णालय उभारण्याचा निर्णय घेतला आहे. त्यानुसार ओशिवरा येथील ८८९० चौरस मीटर भूखंडावर स्त्री रुग्णालय बांधण्यासाठी मे महिन्यात स्वारस्य निविदा मागविली होती. तसेच वांद्रे पश्चिम येथील ११२५ चौरस मीटर भूखंडावर पशुवैद्यकीय रुग्णालय बांधण्यासाठी याचदरम्यान स्वारस्य निविदा काढण्यात आल्या होत्या. वैद्यकीय क्षेत्रात काम करणाऱ्या, रुग्णालय बांधण्यास इच्छुक संस्था, कंपन्यांकडून निविदा मागविण्यात आल्या होत्या. निविदेत निवड होणाऱ्या संस्था/कंपनीकडून प्रीमियम घेऊन भाडेतत्त्वावर भूखंड देण्यात येणार होता. मात्र या निविदेला प्रतिसादच मिळाला नाही.

 काही संस्था/कंपन्यांनी निविदेसाठी उत्सुकता दाखविली होती. त्यामुळे एकदा निविदांना मुदतवाढही देण्यात आली होती. मात्र या दोन्ही प्रकल्पांसाठी प्रत्यक्षात एकही निविदा सादर झाली नाही. त्यामुळे ही निविदा रद्द करण्यात आली आहे. याबाबत पुढील निर्णयासाठी सरकारकडे विचारणा करण्यात येणार आहे. तसेच निविदेला नेमका कशामुळे प्रतिसाद मिळाला नाही, निविदेत काय त्रुटी होत्या याबाबत पशुवैद्यकीय क्षेत्रातील तज्ज्ञांशी, तसेच वैद्यकीय क्षेत्रातील तज्ज्ञांशी चर्चा करण्यात येणार असल्याचे मुंबई मंडळातील वरिष्ठ अधिकाऱ्याने सांगितले.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
‘बेस्ट’ची विजेवर धावणारी वातानुकूलित दुमजली बस लवकरच; पुण्यात चाचणी सुरू

संबंधित बातम्या

खारमध्ये डिलिव्हरी बॉयकडून घरात घुसून महिलेचा विनयभंग, पीडिता म्हणाली, “त्याने माझे…”
‘तो’ कबुतराचं मांस चिकन म्हणून हॉटेल्सला विकायचा; मुंबईमधील धक्कादायक प्रकार, आठ जणांविरुद्ध गुन्हा दाखल
मुंबईत ३ ते १७ डिसेंबर दरम्यान जमावबंदीचे आदेश; पाचपेक्षा अधिक लोकांना एकत्र येण्यास मज्जाव; काय सुरू काय बंद? जाणून घ्या
“एक पठ्ठ्या ‘उठ दुपारी आणि घे सुपारी’ असाच कार्यक्रम…”, सुषमा अंधारेंची राज ठाकरेंवर बोचरी टीका
विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?

व्हिडिओ

ताज्या बातम्या
शिंदे- फडणवीस सरकारला मोठा धक्का, महाविकास आघाडी सरकारच्या विकासकामे रद्दच्या आदेशाला उच्च न्यायालयाची स्थगिती
IND vs BAN: न्यूझीलंडहून परतणारे टीम इंडियाचे खेळाडू खराब व्यवस्थेचे बळी; दीपक चहरने केली तक्रार, जाणून घ्या प्रकरण
‘…यामुळेच सातत्याने अशा घटना घडत आहेत’; वंदे भारत एक्स्प्रेसच्या अपघातांवरून सचिन सावंतांची भाजपावर टीका
‘खात्यात पैसे का नाहीत?‘ म्हणत बाईने घातला बॅंकेत राडा; दगडाने फोडल्या ATM च्या काचा अन्…
उदयनराजेंच्या राज्यपालांविरोधातील भूमिकेचे संजय गायकवाडांकडून समर्थन; म्हणाले, “शिवरायांबाबतच्या वक्तव्यांमुळे…”