पनवेल येथे पाच दिवसांसाठी मध्यरात्रीचा वाहतूक ब्लॉक

डेडिकेटेड फ्रेट कॉरिडॉरमधील अप आणि डाऊन दोन नवीन मार्गिकेच्या बांधकामासाठी आणि उपनगरीय यार्ड रिमॉडेलिंग कामासाठी पनवेल येथे शनिवार व रविवारी ब्लाॅक घेतला. त्यानंतर पनवेल येथे पोस्ट कमिशनिंग काम करण्यासाठी ईएमयू स्टॅबलिंग साइडिंग क्रमांक १, २, ३, ४ आणि १० येथे पाच दिवसांचा ब्लाॅक घेण्यात आला आहे.

आणखी वाचा

टेंभीनाका येथील नवरात्रौत्सवासाठी वाहतुक बदल

Konkan Railway : कोकणातील रेल्वेगाड्यांच्या वेळेत बदल, रविवारपासून नवे वेळापत्रक

नागपूर : दोन तासांत ९० मिलीमीटर, तर अवघ्या १२ तासांत १५९.६ मिलीमीटर पावसाची नोंद; ६० वर्षानंतर नागपूरकरांनी अनुभवली ही स्थिती

यंदा गणेशोत्सवात सहा दिवस ‘आव्वाज’; सातव्या दिवशीही रात्री बारापर्यंत ध्वनिक्षेपक, ध्वनिवर्धकाचा वापर करण्यास परवानगी

हेही वाचा – स्वच्छतेचा जागर! राज्यात ७२ हजारांपेक्षा जास्त ठिकाणी स्वच्छता मोहीम

ब्लाॅकपूर्वीचे लोकल वेळापत्रक

ब्लाॅकपूर्वी हार्बर मार्गावर पनवेलसाठी शेवटची लोकल रात्री १०.५८ वाजता सीएसएमटीसाठी सुटेल. ती लोकल रात्री १२.१८ वाजता पनवेल येथे पोहचेल. ट्रान्सहार्बर मार्गावरील पनवेलसाठी शेवटची लोकल ठाणे येथून रात्री ११.३२ वाजता सुटेल आणि रात्री १२.२४ वाजता पनवेलला पोहोचेल. हार्बर मार्गावर पनवेलहून शेवटची लोकल ब्लॉक कालावधीत वेळापत्रकानुसार असेल. तर, अप ट्रान्सहार्बर मार्गावर पनवेलहून सुटणारी शेवटची लोकल रात्री १०.१५ वाजता पनवेलहून सुटेल आणि रात्री ११.०७ वाजता ठाण्याला पोहोचेल.

हेही वाचा – मुंबई : दादर पूर्व येथे २७ वर्षीय तरुणाची हत्या

ब्लाॅकनंतर लोकल वेळापत्रक

ब्लॉकनंतर पहिली लोकल सीएसएमटी येथून पनवेलसाठी ब्लॉक कालावधीत वेळापत्रकानुसार असेल. ३ ते ७ ऑक्टोबरपर्यंत ठाण्याहून पनवेलसाठी ब्लॉक संपल्यानंतर पहिली लोकल सकाळी ६.२० वाजता ठाण्याहून सुटून सकाळी ७.१२ वाजता पनवेलला पोहोचेल. पनवेलहून अप हार्बर मार्गावरील ब्लॉकनंतर पहिली लोकल पनवेलहून पहाटे ५.४० वाजता सुटेल आणि सकाळी ६.५९ वाजता सीएसएमटीला पोहोचेल. ब्लॉकनंतर पनवेलहून अप ट्रान्सहार्बर मार्गावर ठाण्याच्या दिशेने पहिली लोकल सकाळी ६.१३ वाजता पनवेलहून सुटेल आणि सकाळी ७.०५ वाजता ठाण्याला पोहोचेल.