Dasara Melava: 'काल रात्री या...'; शिंदे गटात जाण्याची चर्चा असतानाच मिलिंद नार्वेकरांनी शेअर केले फोटो | milind narvekar visit shivaji park to have look on preparations made ahead of shivsena chief uddhav thackeray fraction dasara melava scsg 91 | Loksatta

Dasara Melava: ‘काल रात्री या…’; शिंदे गटात जाण्याची चर्चा असतानाच मिलिंद नार्वेकरांनी शेअर केले फोटो

मुख्यमंत्री शिंदे गणपतीनिमित्त नार्वेकर यांच्या निवासस्थानी जाऊन गणरायाचं दर्शन घेऊन आले होते. त्यानंतर नार्वेकरही शिंदे गटात जाणार अशा चर्चा रंगल्या होत्या.

Dasara Melava: ‘काल रात्री या…’; शिंदे गटात जाण्याची चर्चा असतानाच मिलिंद नार्वेकरांनी शेअर केले फोटो
उद्धव ठाकरेंचे स्वीय्य सहाय्यक आहेत मिलिंद नार्वेकर

दसरा अवघ्या दोन दिवसांवर आलेला असतानाच शिवसेना आणि शिंदे गटाकडून दसरा मेळाव्याची जोरदार तयारी सुरु असल्याचं चित्र पहायला मिळत आहे. शिवसेनेनं दादरमधील शिवाजी पार्क येथे तर मुख्यमंत्री एकनाथ शिंदेंच्या नेतृत्वाखालील शिंदे गटाने वांद्रे-कुर्ला संकुलामधील एमएमआरडीच्या मैदानामध्ये दसरा मेळाव्याचं आयोजन केलं आहे. या दसरा मेळाव्याच्या निमित्ताने दोन्ही बाजूने शक्तिप्रदर्शनाची जोरदार तयारी सुरु आहेत. असं असतानाच दुसरीकडे शिवसेना पक्षप्रमुख उद्धव ठाकरेंचे स्वीय्य सहाय्यक आणि पक्षाचे सचिव मिलिंद नार्वेकर शिंदे गटात जाण्याच्या चर्चाही सुरु आहेत. मागील काही दिवसांपासून या चर्चांनी जोर धरलेला असतानाच रविवारी रात्री मिलिंद नार्वेकर यांनी ‘शिवतीर्था’वर हजेरी लावली.

नक्की वाचा >> Shinde vs Thackeray: शिवसेनेचे तीन खासदार, चार आमदार शिंदे गटाच्या वाटेवर? उद्धव ठाकरेंना आणखीन एक धक्का?

शिवसेनाप्रमुख बाळासाहेब ठाकरे यांचे स्मारक दादरमधील शिवाजी पार्क मैदानावर असून तेथे यंदा शिवसेनेचा दसरा मेळावा होत आहे. शिवसेनेमध्ये उभी फूट पडल्यानंतर पहिल्यांदाच दसरा मेळावा होत आहे. त्यातच खरी शिवसेना कोणाची यावरुन न्यायालयीन वाद सुरु असतानाच उद्धव ठाकरे गट आणि शिंदे गटाकडूनही आपला मेळावा हा शिवसेनेचा असल्याचा दावा करण्यात आला आहे. असं असतानाच उद्धव यांचे निकटवर्तीय नार्वेकरही शिंदे गटाच्या वाटेवर असल्याच्या जोरदार चर्चा आहेत.

मुख्यमंत्री शिंदे गणपतीनिमित्त नार्वेकर यांच्या निवासस्थानी जाऊन गणरायाचं दर्शन घेऊन आले होते. त्यानंतर नार्वेकरही शिंदे गटात जाणार अशा चर्चा रंगल्या होत्या. अजूनही राजकीय वर्तुळामध्ये या चर्चांना उधाण आल्याचं चित्र दिसत आहे. असं असतानाच रविवारी म्हणजेच ज्या दिवसापासून ‘शिवतीर्था’वर ठाकरे गटाच्या दसरा मेळाव्याचं काम सुरु झालं आहे त्या दिवसापासून नार्वेकर या कामावर लक्ष ठेऊन आहेत. रात्री साडेदहा वाजता नार्वेकर स्वत: ‘शिवतीर्था’वर पोहोचले होते.

नक्की वाचा >> थंड पाण्याची बाटली, लोणावळ्यातील हॉटेल अन् थेट CM शिंदेंच्या हत्येचा कट रचल्याचा फोन; ‘त्या’ कॉलमागील खरा घटनाक्रम

मिलिंद नार्वेकरांनी ‘शिवतीर्था’वरील दसरा मेळाव्याच्या तयारीची पहाणी केली. काल रात्री साडेदहा वाजता नार्वेकर ‘शिवतीर्था’वर पोहोचले आणि कामाची पहाणी करताना दिसले. त्यांच्या या भेटीचे काही फोटो, व्हिडीओ समोर आले आहेत. ज्या ठिकाणी मंच उभारला जातोय तिथे उभे राहून नार्वेकर कामाची पहाणी करताना दिसत आहेत. नार्वेकर यांनीच ट्वीटरवरुन काही फोटो शेअर करत ही माहिती दिली आहे. “५ ऑक्टोबर रोजी होणाऱ्या शिवसेनेच्या पारंपरिक दसरा मेळाव्याची ‘शिवतीर्था’वर जय्यत तयारी सुरू असून काल रात्री या कामाची पाहणी केली,” असं नार्वेकर यांनी म्हटलं आहे.

एका बाजूला नार्वेकर शिंदे गटात जाण्याची चर्चा असतानाच दुसरीकडे ते मात्र शिवसेनेच्या दसरा मेळाव्याची तयारी करताना दिसत आहेत.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
स्वबळावर शक्तिप्रदर्शनाची संधी ; शिंदे गटाच्या दसरा मेळाव्यापासून भाजप दूर

संबंधित बातम्या

“एक पठ्ठ्या ‘उठ दुपारी आणि घे सुपारी’ असाच कार्यक्रम…”, सुषमा अंधारेंची राज ठाकरेंवर बोचरी टीका
मुंबईत ३ ते १७ डिसेंबर दरम्यान जमावबंदीचे आदेश; पाचपेक्षा अधिक लोकांना एकत्र येण्यास मज्जाव; काय सुरू काय बंद? जाणून घ्या
विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?
जॉन्सन्सची बेबी टाल्कम पावडर वापरासाठी सुरक्षित; प्रयोगशाळांतील अहवातून स्पष्ट
मुंबई: राज्यातील शिक्षण संस्थांमध्ये मल्टीपल एन्ट्री-एक्झीटचा पर्याय; येत्या शैक्षणिक वर्षापासून अंमलबजावणी

व्हिडिओ

ताज्या बातम्या
‘राज ठाकरे हेच खरे जातीयवादी’; जितेंद्र आव्हाड यांचा आरोप
Dutee Chand Marriage: समलैंगिक साथीदारासोबत अ‍ॅथलीट द्युती चंदचा विवाह संपन्न, सोशल मीडियावर फोटो व्हायरल
इंडोनेशियात विवाहपूर्व शरीरसंबंध बेकायदा ठरणार, येतोय नवीन कायदा
जॉन्सन्सची बेबी टाल्कम पावडर वापरासाठी सुरक्षित; प्रयोगशाळांतील अहवातून स्पष्ट
मुंबई: नायर दंत रुग्णालयात उभारणार अद्ययावत प्रयोगशाळा