मनसेचा ‘त्या’ जाहिरातीवर आक्षेप; “मुंबईत गुजराती भाषेची जबरदस्ती सहन करणार नाही” म्हणत दिला इशारा!

“हे सहन करणार नाही”

मनसे नेते अखिल चित्रे यांनी बुधवारी सकाळी एक्सवर (ट्विटर) केलं असून त्यात संबंधित जाहिरातीच्या फेसबुक पेजची लिंकही त्यांनी दिली आहे. या जाहिरातीमध्ये वापरण्यात आलेल्या भाषेवर त्यांनी आक्षेप घेतला आहे. “गुजराती भाषेची मुंबईत चाललेली सक्ती आम्ही सहन करणार नाही. जर एअरटेलला असं वाटत असेल की मुंबई ही गुजरातीबहुल आहे, तर त्यांनी त्यांची माहिती आधी तपासून पाहायला हवी. मराठी आमची राज्यभाषा आहे. त्यामुळे जर नुकसान टाळायचं असेल, तर कंपनीनं ही जाहिरात ताबडतोब थांबवावी आणि माफी मागावी. नाहीतर नुकसान सहन करण्याची तयारी ठेवावी. कारण इथे एअरटेलचे बहुतेक ग्राहक हे मराठी आहेत”, असा इशाराच अखिल चित्रे यांनी या पोस्टमध्ये दिला आहे.

आणखी वाचा

Maharashtra Hospital Death: “तीन तीन इंजिनं लागूनही…”, राज ठाकरेंचा नांदेड रुग्णालय मृत्यू प्रकरणी शिंदे सरकारवर हल्लाबोल!

पाहिजेत स्टंटबाज, लाचार, कपटी उमेदवार! सोशल मीडियावर कंत्राटी आमदार भरतीच्या जाहिरातीचा धुमाकूळ

विलंबाने वीज देयक भरल्यास किती दंड बसतो माहीत आहे काय? मग हे वाचाच

“पटलं तर ठीक, नाहीतर खळ्ळखट्याक्”, मनसेचा इशारा; ‘बम्बई मेरी जान’वर घेतला ‘हा’ आक्षेप!

काय आहे जाहिरातीमध्ये?

या जाहिरातीमध्ये एक नोकरदार महिला एका हॉटेलमध्ये बसून आपल्या मोबाईल नेटवर्कच्या अनुभवावर बोलत असल्याचं दाखवण्यात आलं आहे. मूळ शूटिंगमध्ये या महिलेची वेगळी भाषा असून त्यावर गुजराती भाषेत डबिंग करण्यात आल्याचं दिसत आहे. आधी अडचणी आल्यानंतर आपण कंपनी बदलली आणि आता अनुभव चांगला आहे असे संवाद या महिलेच्या तोंडी आहेत. मात्र, हे संवाद गुजरातीमध्ये असल्यामुळे त्यावर मनसेनं आक्षेप घेतला आहे.

दरम्यान, मनसेच्या अधिकृत एक्स हँडलवर यासंदर्भात पोस्ट करण्यात आली आहे. “हे मुद्दामहून सुरु आहे का? महाराष्ट्रात मराठी राजभाषेला प्राधान्य द्यावं हे माहित असूनही कोट्यवधींच्या जाहिरातीमध्ये मराठीला डावलण्याचा खोडसाळपणा का केला जातो? स्वतः दिल्लीच्या सिंहासनावर बसायचं आणि मराठी माणसाला भाषिक, जातीय अस्मितेसाठी कायम लढवत ठेवायचं असा मनसुबा आहे का?” असा सवाल मनसेकडून उपस्थित करण्यात आला आहे.