सोमवारी पहाटे गोरेगावजवळ धावत्या लोकलमध्ये एका मोबाइल चोराने प्रवाशावर चाकूने हल्ला केल्याची घटना घडली. या जखमी प्रवाशाला रुग्णालयात दाखल करण्यात आले तर सहप्रवाशांनी चोराला पोलिसांच्या ताब्यात दिले. विरार लोकल गोरेगाव स्थानकात शिरत असताना राजू वाजुद्दिन जलालुद्दिन शेख हा तरुण मोबाइलवर गेम खेळत होता. या वेळी दीपक कनोजिया याने राजूच्या हातातून  मोबाइल हिसकावून घेत पळून जाण्याचा प्रयत्न केला. राजू याने त्याला प्रतिकार केला असता दीपकने  राजूवर हल्ला केला. त्यानंतर सहप्रवाशांनी पुढे येत दीपक आणि त्याच्या साथीदाराला पकडून पोलिसांच्या ताब्यात दिले.