ओव्हरहेड वायर तुटल्याने मध्य रेल्वेवरील हार्बर मार्गाची वाहतूक विस्कळीत, जवळपास दोन तास प्रवाशांचा खोळंबा

मध्य रेल्वेने दिलेल्या माहितीनुसार, हार्बर मार्गावरील मानखुर्द आणि वाशी स्थानकांदरम्यान सकाळी ७ वाजून २० मिनिटांनी ओव्हरहेड वायर तुटल्याने वाहतूक विस्कळीत झाली. त्यानंतर तात्काळ ओव्हरहेड वायरच्या दुरुस्तीचे काम हाती घेण्यात आले. दरम्यान, या कालावधीत काढलेल्या त्याच तिकीट आणि पासचा वापर करून ट्रान्सहार्बर मार्गावरून प्रवास करण्याची प्रवाशांना परवानगी देण्यात आली होती. तसेच ओव्हरहेड वायर दुरुस्त होईपर्यंत प्रवाशांना ट्रान्सहार्बरमधून प्रवास करता येईल. तांत्रिक बिघाडामुळे प्रवाशांना होणाऱ्या गैरसोयीबद्दल आम्ही दिलगीर आहोत, अशी माहिती मध्य रेल्वेकडून ‘एक्स’ (पूर्वीचे ट्विटर) या समाजमाध्यमावरून देण्यात आली. ओव्हरहेड वायर दुरुस्त करण्याचे काम पूर्ण झाल्यानंतर सकाळी ९.४० च्या सुमारास हार्बर रेल्वे मार्गावरील वाहतूक पूर्ववत झाली.

आणखी वाचा

मुंबई : राम मंदिर – गोरेगाव – मालाड विभागात वेगमर्यादा

४ ऑक्टोबर पंचांग: मेष, वृषभसह ‘या’ राशींवर देवी…

Mumbai Local Train Updates : पावसामुळे १०० लोकल फेऱ्या रद्द; मेल-एक्स्प्रेस आठ तास खोळंबल्या

Singapore Railway : सिंगापूरचं मुंबई: पावसामुळे रेल्वेसेवा कोलमडली; पण प्रवाशांसाठी ‘या’ सुविधाही पुरवल्या!

Mumbai Rain Red Alert : मुंबईत मुसळधार पाऊस; रस्त्यांना नद्यांचं रुप, रेल्वेची उशिराने धाव, प्लॅटफॉर्मवर प्रवाशांची गर्दी!

तिसऱ्या, चौथ्या मार्गिकेवरुन एक्स्प्रेस रेल्वेगाड्यांची वाहतुक सुरूच

मुंबई : हार्बर मार्ग विस्कळीत

कल्याण: दाट धुक्यामुळे मध्य रेल्वे मार्गावर लोकल अर्धा तास उशिरा

हेही वाचा…म्हात्रेंना अंतरिम संरक्षण

दरम्यान, मानखुर्द आणि वाशी स्थानकादरम्यान ओव्हरहेड वायर तुटल्यामुळे सकाळी कामावर जाणाऱ्या चाकरमान्यांचे हाल झाले. या तांत्रिक बिघाडामुळे हार्बर मार्गावरील लोकल २० ते २५ मिनिटे विलंबाने धावत होती. परिणामी, विविध रेल्वे स्थानकांवर प्रवाशांची प्रचंड गर्दी झाली होती. काही लोकल स्थानकांवर, तर काही लोकल दोन स्थानकांदरम्यान उभ्या होत्या. यामुळे प्रवासी संतप्त झाले होते. कामावर जाणाऱ्या प्रवाशांना कार्यालयात वेळेत पोहोचता आले नाही.