मुंबईः महसुल गुप्तवार्ता संचालनालयाने (डीआरआय) सोने तस्करीच्या संशयावरून तीन ठिकाणी छापे टाकून १९ कोटी ६० लाख रुपयांचा मुद्देमाल हस्तगत केला आहे. या प्रकरणातील मुख्य आरोपीला डीआरआयने अटक केली.
आरोपी तस्करी करून आणलेले सोने व चांदी वितळवण्यात मदत करीत होते. या कारवाईत २३ किलो ९२० ग्रॅम सोने, ३७ किलो चांदी व पाच लाख ४० हजार रुपये रोख असा मुद्देमाल जप्त करण्यात आला. घटनास्थळी कार्यरत मजूर आणि सहाय्यकांच्या जबाबानंतर प्रकरणातील मुख्य सूत्रधाराला ताब्यात घेण्यात आले. त्यानंतर त्याला अटक करण्यात आली.
हेही वाचा – पाच वर्षात पनवेल, विरारची घरे महागली; दोन्ही ठिकाणच्या किमतीत ५८ टक्क्यांनी वाढ
जप्त केलेल्या सोन्याचा स्रोत आणि त्याबाबत आवश्यक कागदपत्र सादर करण्यात आरोपी अपयशी ठरल्यामुळे त्याला अटक करण्यात आली. या संपूर्ण प्रकरणामागे मोठी टोळी असल्याचा संशय आहे. त्याबाबत डीआरआय अधिक तपास करीत आहे.
