समीर वानखेडेंविरोधात मुंबईत तक्रार दाखल; शाहरुख खानकडे खंडणी मागितल्याचा आरोप

ड्रग्ज प्रकरणात अभिनेता शाहरुख खानचा मुलगा आर्यन खान याला सोडून देण्यासाठी वानखेडे आणि इतरांसह काही एनसीबी अधिकाऱ्यांनी २५ कोटी रुपयांची खंडणी मागितल्याचा आरोप आहे.

Sameer-Wankhede-4
समीर वानखेडेंची राष्ट्रीय अनुसूचित जाती आयोगाकडे धाव!

मुंबई क्रूझ ड्रग्ज प्रकरणातील नार्कोटिक्स कंट्रोल ब्युरो (NCB) चे झोनल डायरेक्टर समीर वानखेडे आणि इतर पाच जणांविरुद्ध एफआयआर नोंदवण्याची मागणी करत एका वकिलाने मुंबई पोलिसांकडे तक्रार दाखल केली आहे. शाहरुख खानकडे खंडणी मागितल्याचा आरोप वानखेडेंवर करण्यात आला आहे.

पोलीस अधिकाऱ्यांच्या म्हणण्यानुसार, वकील सुधा द्विवेदी यांनी एमआरए मार्ग पोलिस स्टेशनमध्ये तसेच सह पोलिस आयुक्त (गुन्हे) मिलिंद भारंभे आणि राज्य लाचलुचपत प्रतिबंधक ब्युरोच्या कार्यालयात लेखी तक्रार सादर केली. या प्रकरणी फ्री प्रेस जर्नलने सविस्तर वृत्त दिलं आहे.
तक्रारीत, द्विवेदी यांनी वानखेडे आणि इतर पाच जणांविरुद्ध एफआयआर नोंदवण्याची मागणी केली आहे, ज्यात ड्रग्ज प्रकरणातील एनसीबीचे साक्षीदार प्रभाकर सईल आणि केपी गोसावी आणि सॅम डिसोझा नावाच्या एका व्यक्तीच्या कथित खंडणीच्या आरोपाखाली एफआयआर नोंदवण्याची मागणी केली आहे.

हेही वाचा – “…म्हणून समीर वानखेडेंवर होत आहेत आरोप”; क्रांती रेडकरने दिलं आरोपांना उत्तर

“आम्हाला तक्रार प्राप्त झाली आहे, परंतु अद्याप एफआयआर नोंदवण्यात आलेला नाही,” असे आणखी एका अधिकाऱ्याने सांगितले.

ड्रग्ज प्रकरणात अभिनेता शाहरुख खानचा मुलगा आर्यन खान याला सोडून देण्यासाठी वानखेडे आणि इतरांसह काही एनसीबी अधिकाऱ्यांनी २५ कोटी रुपयांची खंडणी मागितल्याचा दावा सईलने केल्याच्या एका दिवसानंतर ही तक्रार आली आहे. सईलने सांगितले होते की, तो या प्रकरणातील आणखी एका साक्षीदाराचा अंगरक्षक होता. गोसावी, जो ३ ऑक्टोबर रोजी मुंबईच्या किनारपट्टीवरील क्रूझ टर्मिनलवर NCB च्या छाप्यांनंतर फरार होता, ज्यामुळे आर्यन खानसह २० जणांना अटक करण्यात आली होती.

याप्रकरणी वानखेडे यांनी आपल्यावर होत असलेले आरोप फेटाळून लावले आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Mumbai advocate sudha dwivedi lodges complaint against ncbs sameer wankhede 5 others for extortion vsk

Next Story
पक्षांतर्गत राजकारणाला कंटाळून राष्ट्रवादीच्या प्रवक्त्याचा राजीनामा
ताज्या बातम्या