बेस्ट पुनर्विकास प्रकल्पाची ३२० कोटीची थकबाकी

बेस्ट उपक्रमाचे मुंबईत २७ आगार आहेत. यापैकी काही आगार आणि बसस्थानकांमधील जागांचा यापूर्वीच पुनर्विकास करण्यात आला आहे. या पुनर्विकास प्रकल्पातून विकासकांना आर्थिक फायदाही झाला, मात्र करारानुसार देय असलेले विकास हक्क शुल्क अद्याप बेस्टकडे पूर्णपणे जमा झालेले नाहीत. त्यामुळे सार्वजनिक निधीचे नुकसान होत असून बेस्टला आर्थिक फटका बसत आहे. या पार्श्वभूमीवर करारातील सर्व अटींची कठोर अंमलबजावणी करावी. आवश्यकता असल्यास न्यायालय किंवा इतर कायदेशीर उपायांचा अवलंब करून मूळ रक्कम, व्याज आणि दंडाची प्रभावी वसुली करावी, असेही संघटनेने आपल्या निवेदनात नमूद केले आहे.

बेस्टकडून आधी पुनर्विकास प्रकल्पातील प्रलंबित मूल्यांकन, लेखापरीक्षणातील त्रुटींची पूर्तता आणि थकीत महसुलाची वसुली करणे आवश्यक आहे. त्यानंतरच २३ आगारांतील पुनर्विकास प्रकल्पाचा विचार करावा. – रूपेश शेलटकर, अध्यक्ष, ‘आपली बेस्ट आपल्यासाठी’

थकबाकीतून नवीन ६०० बस

• विकासकांकडून वसूल होणाऱ्या ३२०.०९ कोटी रुपयांतून बेस्टला स्वमालकीच्या नव्या ६०० बस खरेदी करता येतील. त्यामुळे भाडेतत्वावरील बसवरील अवलंबित्व कमी होऊन मुंबईकरांना नविन बस मिळतील.
• थकबाकी वसुलीची जबाबदारी बेस्टची मुंबईच्या सार्वजनिक वाहतूक व्यवस्थेत बेस्ट महत्त्वाची असून बेस्ट बसमधून दररोज २३ लाख प्रवासी प्रवास करतात.
• बेस्टची शहरातील आगारे, बसस्थानके उपक्रमाची महत्त्वाची संपत्ती असून त्यांचे संरक्षण आणि त्यातून मिळणाऱ्या महसुलाची वसुली करण्याची जबाबदारी बेस्टची आहे.
• विकासकांकडून येणाऱ्या ३२०.०९ कोटी रुपयांपैकी २९० कोटी रुपये मूळ देय रक्कम आहे. तर उर्वरित व्याज, विलंब, दंड आणि इतर अधिभारांची रक्कम आहे.

थकबाकीचा तपशील