मुंबई किनारी रस्ता प्रकल्पात अडथळा ठरणाऱ्या वेसावेतील ३३ बांधकामांवर हातोडा, मालमत्ताधारकाची न्यायलायात धाव

महानगरपालिकेकडून मुंबई किनारी रस्ता (उत्तर) प्रकल्पाचे काम प्रगतीपथावर आहे. वेसावे ते दहिसरदरम्यान होणाऱ्या या मार्गाच्या बांधकामात वेसावे (वर्सोवा) येथील बांधकामांमुळे अडथळा निर्माण झाला होता. त्यामुळे, येथील ३३ बांधकामांवर निष्कासनाची कारवाई करण्यात आली. यामध्ये तीन निवासी आणि २९ व्यावसायिक बांधकामांचा समावेश आहे. अतिरिक्त महानगरपालिका आयुक्त अभिजीत बांगर यांच्या मार्गदर्शनाखाली, परिमंडळ चारच्या उपायुक्त भाग्यश्री कापसे यांच्या देखरेखीखाली व के पश्चिम विभागाचे सहायक आयुक्त चक्रपाणी अल्ले यांच्या नेतृत्वात ही कारवाई करण्यात आली.

दरम्यान, म्हाडा प्राधिकरणाच्या अधिकार क्षेत्रात येणाऱ्या १२ बांधकामांवर नियमानुसार निष्कासनाची कारवाई करण्याचे प्रस्तावित आहे. वेसावे (वर्सोवा) पोलीस ठाण्याच्या पुरेसा बंदोबस्तात ‘के पश्चिम’ प्रशासकीय विभागाअंतर्गत कार्यरत परिरक्षण, अतिक्रमण निर्मूलन व अनुज्ञापन विभागाकडून ही कारवाई करण्यात आली.