मुंबईतील गोरेगाव फिल्मसिटीत लागलेली आग ही शाहरुख खानच्या झिरो या सिनेमाच्या सेटवर लागल्याची माहिती समोर आली आहे. पीटीआयने या संदर्भातले वृत्त दिले आहे. आग लागल्याची घटना घडली तेव्हा अभिनेता शाहरुख खान तिथे हजर होता असेही समजते आहे. अग्निशमन दलाचे पाच बंब घटनास्थळी रवाना झाले असून आग नियंत्रणात आणण्याचा आटोकाट प्रयत्न केला जातो आहे. ही आग नेमकी का लागली ते स्पष्ट झालेले नाही. स्टुडिओवरच्या सेटवरून अचानक धूर येऊ लागला. बहुदा शॉर्ट सर्किटमुळे ही आग लागली असावी असा प्राथमिक अंदाज अग्निशमन दलाच्या कर्मचाऱ्यांनी वर्तवला आहे. याच महिन्याच्या सुरुवातीला या सिनेमाचे ट्रेलर रिलिज झाले होते. या सिनेमात शाहरुख खान, कतरीना कैफ आणि अनुष्का शर्मा प्रमुख भूमिकेत आहेत. Mumbai: Fire breaks out in Film City, Goregaon. Four fire tenders at the spot. No injuries reported — ANI (@ANI) November 29, 2018