scorecardresearch

Premium

दत्ता दळवींची कार अज्ञातांनी फोडली, सुनील राऊत म्हणाले, “हे कृत्य करणारे शिंदे गटाचे नामर्द…”

दत्ता दळवींची कार फोडल्याचा व्हिडीओ आला समोर, सुनील राऊत यांची संतप्त प्रतिक्रिया

datta dalvi car vandalized
दत्ता दळवींची कार अज्ञातांनी फोडली (फोटो-RNO)

मुंबईचे माजी महापौर दत्ता दळवी यांची कार अज्ञातांनी फोडली आहे. मुख्यमंत्री एकनाथ शिंदे यांच्याविषयी दत्ता दळवींनी आक्षेपार्ह वक्तव्य केलं होतं. त्यानंतर ठाकरे गट आणि शिंदे गट यांच्यात वादाची ठिणगी पडली आहे. आज दत्ता दळवींना अटक करण्यात आली. १२ डिसेंबरपर्यंत त्यांची रवानगी न्यायालयीन कोठडीत करण्यात आली आहे. यानंतर काही अज्ञातांनी संध्याकाळच्या सुमारास दत्ता दळवींची कार फोडली आहेत. या तोडफोडीनंतर ठाकरे गटाचे नेते सुनील राऊत आक्रमक झाले आहेत.

सुनील राऊत यांनी काय म्हटलं आहे?

ज्यांनी दत्ता दळवींची कार फोडली ते शिंदे गटाचे नामर्द आहेत. गुपचूप जायचं आणि कार फोडायची हे नामर्दांचं काम आहे. आम्ही उद्धव बाळासाहेब ठाकरेंचे सैनिक आहोत. आम्हाला नामर्दासारखं काम करता येत नाही. ते नामर्द आहेत म्हणून भाजपाचा आधार घेऊन मुख्यमंत्री झाले आहेत. आम्ही कुणाला घाबरत नाही. ज्यावेळी शिवसेनेचा जन्म झाला तेव्हापासून दत्ता दळवी शिवसेनेचं काम करत आहेत. जे नामर्द आहेत त्यांचा आम्ही निषेध करतो. मी विक्रोळी पोलीस ठाण्यात तक्रार केली आहे. शिंदे गटाचे नामर्द लोक आहेत. नामर्द होते म्हणूनच त्यांनी हे काम केलं. दत्ता दळवींना चुकीच्या पद्धतीने अटक केली. ज्यांचं सरकार आज आहे त्यांचं उद्या नसेल. आमचं सरकार जेव्हा येईल तेव्हा ज्यांनी चुकीची कारवाई केली त्यांना आम्ही सोडणार नाही.
असं सुनील राऊत यांनी म्हटलं आहे.

Ram Lalla Murti Has Changed Ayodhya Ram Mandir Arun Yogiraj Reaction Says This is Not My Work How Krishna Sheela Was Carved
“रामलल्ला बदलले, हे माझे काम नाही..”, मूर्तिकार अरुण योगीराज यांची माहिती, म्हणाले, “मूर्ती तयार झाली त्यावेळेस..”
Laxman Mane criticism of Manoj Jarange Patil Patil pune news
‘उपराकार’ लक्ष्मण माने यांची टीका: म्हणाले, ‘मनोज जरांगे हे मनूवादी…’
Ram Murti
सुंदर, गोड, निरागस आणि लोभस भगवान रामाच्या मूर्तीचं नामकरण; पूजाऱ्यांनी दिली महत्त्वपूर्ण माहिती!
ram temple
रील्स, Vlog अन् बरेच काही! प्राणप्रतिष्ठापना कार्यक्रमाचे ‘सणात’ रूपांतर करण्यामागे समाजमाध्यमाची भूमिका काय? वाचा…

हे पण वाचा- Datta Dalvi: मुख्यमंत्री एकनाथ शिंदेंबाबत आक्षेपार्ह वक्तव्य केल्याने अटक झालेले दत्ता दळवी आहेत कोण?

काय घडला प्रकार?

ठाकरे गटाचे उपनेते दत्त दळवी यांच्या कारची तोडफोड होत असतानाचा व्हिडीओ व्हायरल होतो आहे. या व्हिडीओत चार अज्ञात तरुण हे दत्ता दळवींची कार फोडताना दिसत आहेत.

२६ नोव्हेंबरला काय घडलं?

भांडुपमध्ये २६ नोव्हेंबरला उद्धव ठाकरे यांच्या शिवसेनेचा कोकण पदाधिकारी आणि कार्यकर्त्यांचा मेळावा आयोजित करण्यात आला होता. या मेळाव्यात माजी महापौर आणि उपनेते दत्ता दळवी यांचं भाषण झालं. यावेळी दत्ता दळवी यांनी मुख्यमंत्री एकनाथ शिंदे यांच्याविरोधात आक्षेपार्ह वक्तव्य केलं. स्वत:ला हिंदूहृदयसम्राट म्हणून घेतात, असं म्हणत एक शिवी दिली आणि हिंदूहृदयसम्राटचा अर्थ माहिती आहे का? आज आनंद दिघे असते तर एकनाथ शिंदे यांना चाबकाने फोडून काढलं असतं, असं दत्ता दळवी म्हणाले होते. तसंच आजही ते आपल्या वक्तव्यावर ठाम होते. मी काहीही चुकीचं बोललो नाही, आनंद दिघे आज असते तर हेच म्हणाले असते असं आजही दत्ता दळवी म्हणाले. यानंतर संध्याकाळी त्यांची कार फोडण्याचा प्रकार घडला.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mumbai former mayor datta dalvi car vandalized by some people suneel raut blames cm eknath shinde and his party workers and said this thing rno scj

First published on: 29-11-2023 at 23:09 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×