Mumbai Kids Garden: Best Children Parks Guide : सुट्टीत मुलांसोबत फिरायला जायचंय? ‘ही’ आहेत मुंबईतील मुलांची सर्वोत्तम उद्याने; पाहा यादी आणि वैशिष्ट्ये!

लहान मुलांना विरंगुळा हवा असतो. सुट्टीच्या काळात मुलांना फक्त घरात किंवा घराच्या परिसरात खेळताना कंटाळा येतो. त्यांनी अधिक मनोरंजनात्मक विरंगुळ्याची गरज असते. अशावेळी तुम्ही मुंबईतील अनेक गार्डन्समध्ये घेऊन जाऊ शकता. यामुळे मुलांना मुंबईच्या विविध भागांची माहितीही मिळेल आणि त्यांना बाहेर जाऊन खेळल्याचं समाधानाही मिळेल. मुंबईतील अशाच काही प्रसिद्ध गार्डन्सविषयी आपण पाहुयात.

प्रियदर्शनी पार्क

हे दक्षिण मुंबईतील नेपियन सी रोडवर (Nepean Sea Road) अरबी समुद्राच्या किनाऱ्यावर वसलेले आहे. हे पार्क २० एकर परिसरात पसरलेले असून इथून अरबी समुद्राचा सुंदर नजारा दिसतो. विशेषतः सूर्यास्ताच्या वेळी (Sunset) येथे खूप गर्दी असते.येथे जागतिक दर्जाचा ८-लेन सिंथेटिक ट्रॅक आहे. याशिवाय फुटबॉल मैदान, टेनिस कोर्ट आणि बास्केटबॉल कोर्ट देखील उपलब्ध आहेत.हे पार्क २० एकर परिसरात पसरलेले असून इथून अरबी समुद्राचा सुंदर नजारा दिसतो. विशेषतः सूर्यास्ताच्या वेळी (Sunset) येथे खूप गर्दी असते. येथे जागतिक दर्जाचा ८-लेन सिंथेटिक ट्रॅक आहे. याशिवाय फुटबॉल मैदान, टेनिस कोर्ट आणि बास्केटबॉल कोर्ट देखील उपलब्ध आहेत. मुलांसाठी खेळण्याची स्वतंत्र जागा (Children’s Play Area) आहे. बागेत प्रवेश विनामूल्य आहे, परंतु स्पोर्ट्स कॉम्प्लेक्समधील काही सुविधांसाठी शुल्क आकारले जाते. येथे प्रवेशासाठी शुल्क आकारले जात नाही.

हँगिग गार्डन

मुंबईतील हँगिंग गार्डन्सला (Hanging Gardens) फिरोजशहा मेहता उद्यान म्हणून ओळखले जाते, हे पर्यटकांचे एक मुख्य आकर्षण आहे. दक्षिण मुंबईतील मलबार हिलच्या टोकावर हे सुंदर उद्यान वसलेले आहे. या उद्यानाचे सर्वात मोठे आकर्षण म्हणजे प्राण्यांच्या आकारांत कापलेली झाडे आणि झुडपे (Topiary), जसे की हत्ती, जिराफ आणि बैल. हे उद्यान अरबी समुद्राच्या किनाऱ्यावर उंचावर असल्याने येथून मरीन ड्राइव्ह आणि समुद्रावर होणारा सूर्यास्त अतिशय सुंदर दिसतो. हँगिंग गार्डनच्या अगदी समोरच कमला नेहरू पार्क आहे, जिथे प्रसिद्ध ‘म्हातारीचा बूट’ ही वास्तू आहे, जी लहान मुलांमध्ये अत्यंत लोकप्रिय आहे. येथे प्रवेशासाठी शुल्क आकारले जात नाही.

फाईव्ह गार्डन्स

मुंबईतील फाईव्ह गार्डन्स (Five Gardens) हे माटुंगा आणि वडाळा परिसरातील एक अत्यंत प्रसिद्ध आणि ऐतिहासिक ठिकाण आहे. याला अधिकृतपणे ‘लेडी जहांगीर उद्यान’ असे म्हटले जाते. हे एकमेकांना लागून असलेली पाच छोटी उद्याने आहेत. ब्रिटीश काळात मुंबईच्या नियोजित विकासाचा भाग म्हणून ही उद्याने तयार करण्यात आली होती. ही पाचही उद्याने एका मोठ्या वर्तुळाकार (Circular) भागात विखुरलेली आहेत. दक्षिण मुंबईच्या गजबजाटापासून दूर, येथे खूप जुनी आणि मोठी झाडे आहेत, ज्यामुळे वातावरण अतिशय शांत आणि थंड असते. येथील एका बागेत मुलांसाठी खास खेळणी आणि झोपाळे आहेत.फाईव्ह गार्डन्सच्या आसपासचा परिसर दक्षिण भारतीय खाद्यपदार्थांसाठी प्रसिद्ध आहे. जवळच असलेल्या माटुंगा भागात तुम्ही मद्रास कॅफे, कॅफे म्हैसूर किंवा रामा नायक यांसारख्या प्रसिद्ध उपाहारगृहात अस्सल दाक्षिणात्य जेवणाचा आस्वाद घेऊ शकता. येथे प्रवेशासाठी शुल्क आकारले जात नाही.

जिओ गार्डन

मुंबईतील जिओ वर्ल्ड गार्डन (Jio World Garden) हे वांद्रे-कुर्ला कॉम्प्लेक्स (BKC) मधील एक अतिशय आधुनिक आणि भव्य उद्यान आहे. हे रिलायन्स समूहाद्वारे विकसित करण्यात आले आहे. येथे विस्तीर्ण हिरवळ, कृत्रिम तलाव आणि कारंजे आहेत. येथे चालण्यासाठी ट्रॅक, बसण्यासाठी सुंदर बाके आणि रात्रीच्या वेळी आकर्षक रोषणाई असते.येथे प्रवेशासाठी शुल्क आकारले जाते. तर, कधीकधी मोठ्या कार्यक्रमासाठी येथे सामान्य नागरिकांना प्रवेश बंदही असतो.

माझगावचा डोंगर

माझगावचा डोंगर (Mazagaon Hill), ज्याला भंडारवाडा टेकडी (Bhandarwada Hill) म्हणूनही ओळखले जाते, हे दक्षिण मुंबईतील एक ऐतिहासिक आणि शांत ठिकाण आहे. या टेकडीवर असलेले जोसेफ बाप्टिस्टा गार्डन (Joseph Baptista Gardens) स्थानिक रहिवाशांमध्ये अत्यंत लोकप्रिय आहे. मलबार हिलच्या हँगिंग गार्डन्सप्रमाणेच, ही बागही एका मोठ्या पाणी साठवणूक जलाशयावर (Water Reservoir) बांधलेली आहे. हे जलाशय आजही दक्षिण मुंबईला पाणीपुरवठा करते.टेकडी उंचावर (सुमारे ३२ मीटर) असल्याने येथून मुंबई पोर्ट (Harbour) आणि अरबी समुद्राचे सुंदर दृश्य दिसते. पूर्व किनारपट्टीवरील जहाजांची ये-जा येथून स्पष्टपणे पाहता येते.अलीकडेच या बागेत जगातील सात आश्चर्यांच्या (Seven Wonders of the World) प्रतिकृती बसवण्यात आल्या आहेत, ज्या पर्यटकांचे मुख्य आकर्षण ठरत आहेत.या बागेत प्रवेश विनामुल्य आहे.