मुंबईत शनिवारी सीएसटी रेल्वेस्थानकात शिरताना हार्बर मार्गावरील लोकलचे दोन डबे घसरले. पनवेल-सीएसटी लोकल सीएसटी स्थानकातील दोन क्रमांकाच्या फलाटावर येताना या गाडीचे मागचे डबे रूळावरून अचानकपणे खाली उतरले. या अपघातामध्ये कोणीही जखमी झाले नसले तरी, हार्बर रेल्वेची वाहतूक विस्कळीत झाली आहे. यामुळे एक आणि दोन क्रमांकाच्या फलाटावरील वाहतूक तीन क्रमांकाच्या फलाटावर वळविण्यात आली आहे. सुदैवाने आज सुट्टीचा दिवस असल्याने रेल्वे वाहतुकीवर याचा फार मोठा परिणाम झालेला दिसत नाही.