‘मंकीपॉक्स’साठी सेव्हन हिल्स रूग्णालयात १४ खाटांचा स्वतंत्र कक्ष आरक्षित, मुंबईमध्ये एकही रूग्ण नाही

मुंबईमध्ये अद्याप ‘मंकीपॉक्स’चा एकही रूग्ण आढळलेला नाही. मात्र विदेशातून येणाऱ्यांची संख्या लक्षात घेता सावधगिरी म्हणून मुंबई महानगरपालिकेने सेव्हन हिल्स रूग्णालयात १४ खाटा असलेला कक्ष आरक्षित ठेवला आहे.

Mumbai, monkeypox, Mumbai Prepares for Monkeypox Seven Hills Hospital, 14 bed ward, Mumbai Municipal Corporation, precautionary measures

‘मंकीपॉक्स’साठी सेव्हन हिल्स रूग्णालयात १४ खाटांचा स्वतंत्र कक्ष आरक्षित, मुंबईमध्ये एकही रूग्ण नाही (Representational Image/indian Express)

मुंबई : मुंबईमध्ये अद्याप ‘मंकीपॉक्स’चा एकही रूग्ण आढळलेला नाही. मात्र विदेशातून येणाऱ्यांची संख्या लक्षात घेता सावधगिरी म्हणून मुंबई महानगरपालिकेने सेव्हन हिल्स रूग्णालयात १४ खाटा असलेला कक्ष आरक्षित ठेवला आहे. तसेच नागरिकांनी घाबरून जाऊ नये, असेही आवाहन महानगरपालिकेकडून करण्यात आले आहे.

जगातील काही देशात ‘मंकीपॉक्स’चा वेग आणि तीव्रता लक्षात घेता केंद्रीय आरोग्य व कुटुंब कल्याण मंत्रालयाने सर्व राज्यांना खबरदारी घेण्याच्या सूचना दिल्या आहेत. महाराष्ट्र सरकारनेही ‘मंकीपॉक्स’ सर्वेक्षण, प्रतिबंध आणि नियंत्रण उपाययोजना करण्यासाठी सूचना केल्या आहेत. या पार्श्वभूमीवर विदेशातून मुंबईत येणाऱ्या नागरिकांचे प्रमाण लक्षात घेता महानगरपालिकेने ‘मंकीपॉक्स’चा प्रतिबंध आणि उपाययोजनांची तयारी सुरू केली आहे. संसर्गजन्य आजारांवरील वैद्यकीय उपचारांसाठी विशेष रूग्णालय असलेल्या सेव्हन हिल्स रूग्णालयात ‘मंकीपॉक्स’ रूग्णांसाठी आरक्षित कक्ष सुरू करण्यात आला आहे. या कक्षामध्ये १४ खाटा आरक्षित ठेवण्यात आल्या आहेत. तसेच गरजेनुसार ही संख्या वाढवण्याचीही रूग्णालय प्रशासनाने तयारी ठेवली आहे. विविध देशांतून येणाऱ्या प्रवाशांमध्ये ‘मंकीपॉक्स’ संशयित व्यक्ती आढळून आल्यास त्याला सेव्हन हिल्स रुग्णालयात विलगीकरण, तसेच पुढील उपचाराकरिता पाठविण्यात येणार आहे.

आणखी वाचा

Contract workers will be excluded from municipal hospital labor recruitment mumbai print news

महानगरपालिका रुग्णालयातील कंत्राटी कामगारांवर टांगती तलवार; कामगार भरतीमधून कंत्राटी कामगारांना वगळणार

१० ऑक्टोबर पंचांग: गुरुची वक्री चाल तर महागौरी…

Mumbai Municipal Corporation will conduct a survey of sanitation workers Mumbai

हाताने मैला उचलणाऱ्या सफाई कामगारांचे महापालिका सर्वेक्षण करणार; विभागीय कार्यालयाच्या ठिकाणी नोंदणी करण्याचे आवाहन

jawans killed seven Naxalites during encounter in Chhattisgarhs Dantewada

गडचिरोली : दक्षिण अबूझमाडमध्ये सात नक्षल्यांचा खात्मा, घटनास्थळी…

Residents on the master list will have to pay a lower rate for more area MHADA Vice Presidents decision

‘मास्टर लिस्ट’वरील रहिवाशांना ज्यादा क्षेत्रफळासाठी कमी दर मोजावा लागणार! म्हाडा उपाध्यक्षांचा निर्णय

Shop fire Nashik, hospital safe Nashik, fire Nashik,

नाशिकमध्ये दुकानाला आग, वरच्या मजल्यावरील रुग्णालय सुरक्षित

Nagpur, CCTV , Nagpur police, CCTV cameras Nagpur,

नागपूर : हजारो सीसीटीव्ही कॅमेरे ठरले ‘पांढरा हत्ती’, पोलीस तपासात अडचणी

central railway cancelled 10 ac local service

मध्य रेल्वेचा ‘पांढरा हत्ती’ प्रवाशांसाठी त्रासदायक; वातानुकूलित लोकलच्या दहा फेऱ्या रद्द

हेही वाचा…उकाड्याने मुंबईकरांची काहिली; पावसाचा अंदाज फोल

विमानतळावर आरोग्य माहिती कक्ष

‘मंकीपॉक्स’ संदर्भात २१ ऑगस्ट २०२४ रोजी विमानतळ आरोग्य अधिकारी, इमिग्रेशन अधिकारी, कार्यकारी आरोग्य अधिकारी यांची एकत्रित समन्वय बैठक झाली. विमानतळ आरोग्य अधिकारी विभागामार्फत ‘मंकीपॉक्स’ बाधित आफ्रिकी देशातून येणारे नागरिक, तसेच इतर प्रवाशांची तपासणी करण्यात येत आहे. तसेच छत्रपती शिवाजी महाराज आंतरराष्ट्रीय विमानतळ येथे विमानतळ आरोग्य अधिकारी कार्यालयामार्फत आरोग्य माहिती कक्ष उपलब्ध करण्यात आले आहे.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mumbai prepares for monkeypox with dedicated ward at seven hills hospital no cases reported yet mumbai print news psg