स्त्री म्हटली की केवळ चूल आणि मूल असं समीकरण पूर्वी होतं. पण काळ बदलला आणि स्त्री देखील पुरूषांच्या खांद्याला खांदा लावून सगळी कामे करू लागली. आजही काही ठिकाणी लग्न, कुटुंब आणि मुल-बाळ यांच्यात व्यापात स्त्री ला स्वत:च्या करिअरकडे, आवडी-निवडींकडे मनापासून लक्ष देता येत नाही. पण आपल्या सर्व जबाबदाऱ्या यशस्वीपणे पार पाडून केवळ स्वत:च्या पॅशनसाठी ‘स्पार्टन मुंबई श्री’च्या मंचावर पीळदार सौंदर्य अवतरणार आहे. २९ फेब्रुवारी रोजी अंधेरीतील लोखंडवाला कॉम्प्लॅक्सच्या सेलिब्रेशन स्पोर्टस् क्लबमध्ये जिल्हा अजिंक्यपद शरीरसौष्ठव स्पर्धा रंगणार आहेत. या स्पर्धेत महिलांचा मोठ्या संख्येने सहभाग पाहायला मिळणार आहे.

या बातमीसह सर्व प्रीमियम कंटेंट वाचण्यासाठी साइन-इन करा

सध्या महिलांमध्येही फिटनेस आणि शरीरसौष्ठवाची प्रचंड क्रेझ पाहायला मिळत आहे. मिस मुंबई जेतेपदासाठी फिटनेस फिजीक आणि शरीरसौष्ठव या दोन गटांत चुरशीची लढत पाहायला मिळणार आहे. त्यामुळे क्रीडाप्रेमींमध्ये या स्पर्धेबाबत प्रचंड उत्सुकता आहे. भारतीय शरीरसौष्ठवात सर्वाधिक मानाची आणि प्रतिष्ठेची असलेली स्पार्टन मुंबई श्री स्पर्धा.. या स्पर्धेत महिलांच्या गटाने सर्वांचे लक्ष वेधले आहे. फिटनेस फिजीक आणि शरीरसौष्ठव या दोन्ही गटात पाचपेक्षा अधिक खेळाडूंची नोंद झाल्यामुळे स्पर्धा अधिक रंगतदार होणार हे निर्विवाद सत्य आहे. बृहन्मुंबई शरीरसौष्ठव संघटना आणि मुंबई उपनगर शरीरसौष्ठव व फिटनेस संघटनेने या स्पर्धेसाठी जोरदार तयारी केली आहे.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Mumbai shree bodybuilding competition beautiful female contestants to take part in miss mumbai trophy vjb
First published on: 26-02-2020 at 13:55 IST