खडसे यांचे जावई गिरीश चौधरी अटकेत

या व्यवहारासाठी खडसे यांनी आपल्या पदाचा व अधिकारांचा गैरवापर के ला.

NCP leader Eknath Khadse's son-in-law Girish Choudhary has been remanded to Enforcement Directorate custody till July 19 in a money laundering case.
माहिती दडवत असल्याचा ईडीचा आरोप

मुंबई : राष्ट्रवादी काँग्रेसचे नेते एकनाथ खडसे यांचे जावई गिरीश चौधरी यांना सक्तवसुली संचालनालयाने पुणे येथील जमीन घोटाळा आणि आर्थिक गैरव्यवहार प्रकरणात बुधवारी पहाटे अटक के ली. विशेष न्यायालयाने गिरीश यांना १२ जुलैपर्यंत पोलीस कोठडीत ठेवण्याचे आदेश दिले. या प्रकरणी खडसे यांची पुन्हा चौकशी होण्याची शक्यता आहे. यापूर्वी जानेवारीत ईडीने खडसे यांच्याकडे चौकशी केली होती.

ईडीने मंगळवारी गिरीश यांना चौकशीसाठी बोलावले होते. अनेक तास चौकशी केल्यानंतर बुधवारी पहाटे त्यांना अटक करण्याचा निर्णय घेण्यात आला. गिरीश चौकशीस सहकार्य करत नाहीत, प्रकरणाशी संबंधित माहिती ते दडवत आहेत, अशी माहिती ईडीने न्यायालयाला दिली.

ईडीच्या आरोपानुसार २०१६मध्ये खडसे महसूलमंत्री असताना पुण्यातील भोसरी येथील एमआयडीसीच्या मालकीचा भूखंड गिरीश यांच्या नावे विकत घेतला गेला. पुण्यातील एका व्यावसायिकाने या व्यवहाराविरोधात बंडगार्डन पोलीस ठाण्यात तक्रोर के ली होती. लाचलुचपत प्रतिबंधक विभागाने या तक्रारीआधारे चौकशी, तपास करून खडसे, त्यांच्या पत्नी मंदाकिनी, गिरीश यांच्यासह जागेचे मूळ मालक अब्बार उकाणी यांच्याविरोधात गुन्हा नोंदवला. या घडमोडीचा आधार घेत ईडीने समांतर तपास सुरू के ला. गेल्यावर्षी ऑक्टोबर महिन्यात ईडीने खडसे कुटुंबीयांविरोधात गुन्हा (ईसीआयआर) नोंदवला. डिसेंबर महिन्यात ईडीने खडसे यांना समन्स जारी करत चौकशीस हजर राहण्याची सूचना केली. खडसे जानेवारी महिन्यात ईडीसमोर हजर झाले. त्यांची सहा तास चौकशी करण्यात आली होती.

आरोप काय? – या व्यवहारासाठी खडसे यांनी आपल्या पदाचा व अधिकारांचा गैरवापर के ला. या भूखंडाचा बाजारभाव ३१ कोटी रुपये असताना खरेदी व्यवहाराच्या नोंदीनुसार गिरीश यांनी तो ३.७५ कोटी रुपयांना विकत घेतल्याची नोंद आढळते. हा भूखंड इतक्या कमी कि मतीस कसा विकत घेतला आणि तो विकत घेण्यासाठी गोळा के लेल्या रकमेचा स्रोत काय, या मुद्दय़ांवर ईडीने तपास सुरू के ला. गिरीश यांनी चौकशीदरम्यान काही कं पन्यांकडून कर्ज घेतले असल्याचे सांगितले. प्रत्यक्षात ही रक्कम बोगस कं पन्यांद्वारे वळविण्यात आल्याची माहिती तपासातून हाती आल्याचे ईडीने सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ncp leader eknath khadse s son in law arrested by ed in pune land deal case zws

Next Story
पक्षांतर्गत राजकारणाला कंटाळून राष्ट्रवादीच्या प्रवक्त्याचा राजीनामा
ताज्या बातम्या