मुंबई : राष्ट्रवादी काँग्रेसचे अध्यक्ष शरद पवार यांनी बुधवारी मुख्यमंत्री उद्धव ठाकरे यांची भेट घेतली. बारामतीमधील इनोव्हेशन सायंटिफिक रिसर्च इन्स्टिट्यूट या संस्थेच्या कार्यक्रमाचे निमंत्रण देण्यासाठी पवार यांनी मुख्यमंत्र्यांची भेट घेतल्याचे व मुख्यमंत्री बारामतीला जाणार असल्याचे समजते. केंद्रीय तपास यंत्रणांच्या वापराबाबत ठाकरे यांनी दसरा मेळाव्यात तर पवार यांनी पुणे दौऱ्यात टीका के ली होती. याबाबत महाविकास आघाडी एकजुटीने उत्तर दिले जात नाही व त्याची गरज असल्याचा सूर शिवसेना व राष्ट्रवादीतील काही नेत्यांनी लावला. या पार्श्वभूमीवर आघाडीच्या पुढील रणनीतीबाबत चर्चा झाल्याची शक्यता वर्तवण्यात येत आहे.
