scorecardresearch

Premium

“अंबानी कुटुंबाच्या मनात दहशत निर्माण करण्यासाठी सचिन वाझेने…”, एनआयए न्यायालयाची मोठी निरिक्षणे

मुंबई पोलीस दलातील माजी पोलीस अधिकारी सचिन वाझेला अंबानी कुटुंबाच्या मनात दहशत निर्माण करायची होती, असं निरिक्षण एनआयए न्यायालयाने नोंदवलं आहे.

Sachin Waze Mukesh Ambani
मुंबई पोलीस दलातील माजी पोलीस अधिकारी सचिन वाझेबाबत एनआयए न्यायालयाने मोठं निरिक्षण नोंदवलं आहे. (छायाचित्र – लोकसत्ता ग्राफिक्स टीम)

मुंबई पोलीस दलातील माजी पोलीस अधिकारी सचिन वाझेला अंबानी कुटुंबाच्या मनात दहशत निर्माण करायची होती, असं निरिक्षण एनआयए न्यायालयाने नोंदवलं आहे. मनसुख हिरेन हत्या आणि अँटेलिया बंगल्याबाहेर स्फोटकं ठेवल्याप्रकरणात सचिन वाझेचा जामीन अर्ज फेटाळताना न्यायालयाने हे मत नोंदवलं. याबाबत पीटीआयने वृत्त दिलं आहे.

विशेष एनआयए न्यायाधीश ए. एम. पाटील यांनी आरोपी सचिन वाझेचा १६ सप्टेंबरला जामीन नाकारला. याप्रकरणी शुक्रवारी (२२ सप्टेंबर) सविस्तर आदेश उपलब्ध झाला. यात या गोष्टींचा खुलासा झाला आहे. न्यायालयाने साक्षीदारांच्या जबाबाचा उल्लेख करत जामिनासाठी अर्ज केलेला आरोपी आणि त्याचा सहआरोपी यांनी अंबानी कुटुंबाच्या मनात दहशत निर्माण केली. तसेच षडयंत्र करून मनसुख हिरेन यांची हत्या केली.

anjali damania on chhagan bhujbal
छगन भुजबळांच्या अडचणी वाढणार? अंजली दमानिया यांची न्यायालयात धाव
Guthli Milind Bhagat
वर्धा : अखेर ‘गुठली’ स्थानबद्ध, नागपूरच्या कारागृहात रवानगी
Former corporator son suicide nagpur
नागपूर : माजी नगरसेवकाच्या मुलाची आत्महत्या, पोलीस ठाण्याला नागरिकांचा घेराव
Kunbi OBC Movement nagpur
नागपूर : उच्च न्यायालयाच्या निवृत्त न्यायमूर्तीचा कुणबी-ओबीसी आंदोलनाला पाठिंबा, आंदोलन मंडपात लावली हजेरी

“मनसुख हिरेनचा सुनियोजित खून करण्यात आला”

“तो सुनियोजित खून होता. कायद्याच्या कचाट्यातून सुटण्यासाठी सर्वोतपरी काळजी घेण्यात आली होती. हे भारतीय दंड संहितेनुसार केलेले साधे आरोप नाहीत. अशा परिस्थितीत आरोपीला जामीन दिल्यास साक्षिदारांना प्रभावित करण्याची शक्यता आहे,” असं मत न्यायालयाने व्यक्त केलं.

हेही वाचा : विश्लेषण: सचिन वाझे प्रकरणात तपास यंत्रणांचा वेगळा निर्णय का?

“आरोपीला अंबानी कुटुंबाच्या मनात दहशत निर्माण करायची होती”

“जिलेटिन कांड्या डिटोनेटरला जोडलेल्या नसल्याचं स्पष्ट झालं असलं तरी, ती कृती लोकांच्या मनात दहशत निर्माण करण्यासाठी पुरेशी होती. या प्रकरणात आरोपीला विशिष्ट लोकांच्या मनात दहशत निर्माण करायची होती. हे विशिष्ट लोक अंबानी कुटुंब होतं,” असंही न्यायालयाने नमूद केलं.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Nia court important observations about sachin waze in ambani case pbs

First published on: 22-09-2023 at 20:06 IST

संबंधित बातम्या

मराठी कथा ×