मुंबई : जागतिक आदिवासी दिनानिमित्त मंगळवार, ९ ऑगस्ट रोजी आरे वसाहतीमध्ये मिरवणूक काढण्यात येणार आहे. आरे वसाहतीमधील युनिट क्रमांक ५, आरे मार्केट येथून सकाळी १०.३० वाजता या मिरवणुकीला सुरुवात होईल आणि बिरसा मुंडा चौक येथे ही मिरवणूक संपेल. यावेळी नृत्य, गीत, संगीताच्या माध्यमातून मुंबईकरांना संदेश देण्यात येणार आहे. त्याचबरोबर यावेळी मेट्रो -३ च्या कारशेडला कडाडून विरोध करण्यात येणार आहे.

आरे वसाहतीमध्ये दरवर्षी ९ ऑगस्ट हा दिवस आदिवासी दिन म्हणून साजरा करण्यात येतो. करोना काळातही यात खंड पडला नव्हता. आदिवासी बांधव सण म्हणूनच हा दिवस साजरा करतात.  यंदाही आरेतील २७ पाड्यांतील आदिवासी बांधव मंगळवारी आदिवासी दिन साजरा करणार असल्याची माहिती आदिवासी हक्क संवर्धन समितीच्या पदाधिकाऱ्यांनी दिली. जल, जंगल आणि जमीन हेच आमचे आयुष्य आहे. विकासाच्या नावावर आमच्याकडून ते हिसकावून घेऊ नका, असा संदेश मंगळवारच्या मिरवणुकीतून सरकारला देण्यात येणार असल्याचे समितीच्या पदाधिकाऱ्यांनी सांगितले.

Thane Housing Court
ठाणे हाऊसिंग अदालतीत तक्रारदारांना दिलासा, प्रलंबित १२० पैकी ११० तक्रारींवर निर्णय
houses sold in Mumbai
मुंबईमध्ये फेब्रुवारीत ११ हजार ८३६ घरांची विक्री, मागील १२ वर्षांतील फेब्रुवारीमधील सर्वाधिक घरविक्री
Pimpri, Instagram friendship, theft, Woman flees, man's phone, meetup,
मैत्रिणीने ‘इंस्टाग्राम’ वर मॅसेज करुन भेटायला बोलविले आणि….
pm Modi Yavatmal
पंतप्रधानांची यवतमाळमध्ये सभा, पोलिसांनी कशासाठी बजावली नोटीस?