परमबीर सिंह बेपत्ता; राज्य सरकारची उच्च न्यायालयात माहिती

परमबीर सिंह यांच्यावर कारवाई न करण्याचं आश्वासन आता पाळता येणार नसल्याचं राज्य सरकारनं न्यायालयाला सांगितलं आहे.

Increase difficulty of Parambir SinghFiled a case against a co accused in a land transaction along the Samrudhi Highway

मुंबईचे माजी पोलीस आयुक्त परमबीर सिंह यांच्यावर अॅट्रॉसिटीचे गुन्हे दाखल करण्यात आले आहेत. मात्र, परमबीर सिंह नेमके कुठे आहेत, याचा ठावठिकाणा अद्याप समजलेला नसल्यामुळे त्यांच्यावर कारवाई होऊ शकलेली नाही. यासंदर्भात मुंबई उच्च न्यायालयात सुरू असलेल्या सुनावणीदरम्यान आज राज्य सरकारने परमबीर सिंह यांच्यावरच्या कारवाईसंदर्भात भूमिका स्पष्ट केली आहे. यासंदर्भात परमबीर सिंह याच्यावर कारवाई न करण्याचं आश्वासन आता पाळलं जाण्याची शाश्वती देता येणार नाही, असं राज्य सरकारने स्पष्ट केलं आहे. त्यामुळे परमबीर सिंह यांच्यावर कारवाई करण्याची तयारी राज्य सरकारने पूर्ण केल्याचं यातून स्पष्ट झालं आहे.

परमबीर सिंह यांनी माजी गृहमंत्री अनिल देशमुख यांच्यावर केलेल्या १०० कोटींच्या आरोपांनंतर या प्रकरणावर मोठी चर्चा झाली होती. त्यानंतर खुद्द परमबीर सिंह यांच्यावर देखील अनेक आरोप झाले. त्यांच्यावर अॅट्रॉसिटीचे गुन्हे दाखल करण्यात आले असून त्यासंदर्भात सुनावणी सुरू आहे. मात्र, परमबीर सिंह यांच्याविरोधात समन्स बजावून देखील ते अद्याप समोर आलेले नसल्यामुळे परमबीर सिंह बेपत्ता असल्याचा निष्कर्ष राज्य सरकारने न्यायालयासमोर मांडला आहे.

“परमबीर सिंह नेमके कुठे आहेत, याविषयी अद्याप कोणतीही माहिती नाही. त्यामुळे त्यांच्यावर कारवाई न करण्याचं दिलेलं आश्वासन राज्य सरकारला पाळता येणार नाही”, अशी भूमिका राज्य सरकारने मांडली आहे. मात्र, परमबीर सिंह यांची बाजू कोर्टासमोर मांडणारे वकील महेश जेठमलानी यांनी मात्र, “त्यांना अजून फरार घोषित करण्यात आलेलं नाही”, असं यावेळी सांगितलं आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Parambir singh whereabouts mah government to take action bombay high court pmw

Next Story
टीएमटी बस बंद पडून वाहतूक ठप्प
ताज्या बातम्या