राज्यात पेट्रोल-डिझेलची स्वस्ताई!

अन्य राज्यांच्या तुलनेत पेट्रोल, डिझेल, घरगुती गॅस महाग होता.

petrol, diesel
संग्रहित छायाचित्र

अधिभार काढल्याने एक ते दीड रुपयांनी दर घटणार

महाराष्ट्रात पेट्रोल व डिझेलवर आकारण्यात येणारा जादा अधिभार काढण्यात येणार असून त्यामुळे पेट्रोल व डिझेलच्या दरात एक ते दीड रुपयांनी घट होणार असल्याची माहिती अन्न व नागरी पुरवठा मंत्री गिरीश बापट यांनी गुरुवारी दिली. केंद्रीय पेट्रोलियम राज्यमंत्री धर्मेद्र प्रधान यांच्याशी झालेल्या चर्चेत हा निर्णय झाल्याचे बापट यांनी सांगितले.

मुंबई महापालिकेकडून जकात आकारणी होत असल्याने गेली अनेक वर्षे पेट्रोलियम कंपन्या ग्राहकांकडून जादा अधिभार आकारत होत्या. त्यामुळे अन्य राज्यांच्या तुलनेत पेट्रोल, डिझेल, घरगुती गॅस महाग होता. ही बाब लक्षात आल्यावर पेट्रोलियम कंपन्या व डीलर्स असोसिएशनशी चर्चा करून हे केंद्र सरकारच्या निदर्शनास आणून देण्यात आले. यासंदर्भात केंद्रीय मंत्री प्रधान यांच्याकडे गुरुवारी झालेल्या बैठकीत हा जादा अधिभार वसूल केला जाणार नाही, असे पेट्रोलियम कंपन्यांनी मान्य केले. त्याची अंमलबजावणी महिनाभरात होईल व पेट्रोल-डिझेल, घरगुती गॅस, केरोसिन यांचे दर कमी होतील, असे बापट यांनी सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Petrol diesel price low in maharashtra now