मुंबई : बॅगमध्ये क्षमतेपेक्षा अधिक वजनाचे साहित्य असल्यामुळे अतिरिक्त शुल्क भरावे लागू नये म्हणून आपल्याकडे बॉम्ब असल्याचा बनाव करून छत्रपती शिवाजी महाराज आंतरराष्ट्रीय विमानतळावर गोंधळ उडविणाऱ्या एका महिलेला सहार पोलिसांनी अटक केली. ही महिला मुंबई विमानतळावरून कोलकत्याला जाण्यासाठी विमानात बसण्याच्या तयारीत होती. आरोपी महिलेला न्यायालयापुढे हजर केले असता तिची जामिनावर सुटका करण्यात आल्याचे अधिकाऱ्याने सांगितले. रुचा शर्मा असे महिला प्रवाशाचे नाव आहे. त्या सोमवारी मुंबई आंतरराष्ट्रीय विमानतळावरून स्पाईस जेटच्या विमानाने कोलकात्याला जात होती.

हेही वाचा >>> वांद्रे रेक्लमेशनमध्ये ‘मुंबई आय’ उभारण्यास स्थानिकांचा विरोध; रहिवाशांच्या विरोधानंतर प्रकल्प हलविण्याचा एमएमआरडीएचा निर्णय

Amravati, Belora airport, expansion, Alliance Air, passenger flight services, DGCA inspection, MADC, runway extension, ATR-72, Mumbai flights, technical works, aerial map, night flight facility, air traffic survey,
अमरावती : ‘अलायन्स एअर’च्या विमान उड्डाणाची प्रतीक्षाच, १५ ऑगस्टपर्यंत…
extortion case
वाहतूक पोलीस कर्मचाऱ्यासह सहा जणांवर गुन्हा दाखल; खंडणी प्रकरण
mumbai businessmen, cheated for rupees 1 crore
मुंबई: स्वस्त सोन्याची बिस्किटांच्या नावाखाली फसवणूक करणाऱ्या दोघांना अटक
Assam Floods Man risks life to rescue calf from drowning
Assam Floods : वासराला वाचवण्यासाठी व्यक्तीने थेट पुराच्या पाण्यात मारली उडी, Viral Videoमध्ये थरारक दृश्य कैद
Pune International Airport, Pune International Airport s New Terminal Set , Pune International Airport s New Terminal Set to Open, CISF Manpower Approval, CISF Manpower Approval Secured, Central Industrial Security Force, murlidhar mohol, pune news,
पुणेकरांना खुषखबर! पुणे विमानतळाच्या नवीन टर्मिनलला अखेर मुहूर्त
pune airport, Air India Crash airplane, Air India Crash airplane Shifted from Pune Airport, pune airport parking bay, murlidhar mohol, murlidhar mohol met defense minister,pune news,
मोहोळ यांनी संरक्षण मंत्र्यांची भेट घेताच २४ तासांत कार्यवाही! पुणेकरांच्या हवाई प्रवासातील अडथळा तातडीने दूर
Action on sheds garages huts on Shilphata road
शिळफाटा रस्त्यावरील टपऱ्या, गॅरेज, झोपड्यांवर कारवाई
The trees on both sides of the road were cut down for the ongoing development works in Mumbai
मुंबईत सुरू असलेल्या विकासकामांसाठी रस्त्याच्या दुतर्फा असलेल्या झाडांचा बळी; जनहित याचिकेद्वारे उपस्थित मुद्द्याची उच्च न्यायालयाकडून दखल

विमानतळावर दाखल झाल्यानंतर शर्मा चेक इन काउंटरवर आल्या. त्यांच्याकडे दोन बॅगा होत्या. त्यांचे वजन २२ किलो होते. देशांतर्गत विमान प्रवासासाठी १५ किलो वजनाची मर्यादा असल्यामुळे अतिरिक्त वजनासाठी शर्मा यांना शुल्क भरावे लागेल, असे सांगण्यात आले. शर्मा यांनी शुल्क भरण्यास नकार देत स्पाईस जेटच्या महिला कर्मचाऱ्यासोबत वाद घालण्यास सुरुवात केली. यावेळी शर्मा यांनी कर्मचाऱ्यांविरोधात भाषिक टिप्पणीही केली. त्यामुळे कर्मचाऱ्यांनी केंद्रीय औद्योगिक सुरक्षा दलाचे (सीआयएसएफ) अधिकारी मुथु कुमार यांना बोलावून घेतले. त्यांनी आपण सीआयएसएफमध्ये असल्याचे सांगितल्यानंतर शर्माने आपल्या बॅगेत बॉम्ब असल्याचे सांगितले.

हेही वाचा >>> आंतराष्ट्रीय अभिरूप न्यायालय स्पर्धेत मुंबई विद्यापीठाच्या विद्यार्थ्यांची निवड; नेदरलॅण्डमधील आंतरराष्ट्रीय फौजदारी न्यायालयात आयोजन

घटनेचे गांभीर्य लक्षात घेऊन मुथु कुमार यांनी श्वान पथकाला घटनास्थळी पाचारण केले. त्यांनी बॅगेची तपासणी केली असता त्यात कोणतीही संशयास्पद वस्तू सापडली नाही. त्यानंतर बॅग उघडून तपासली असता त्यात काहीच सापडले नाही. या प्रकरणामुळे विमानतळावर काहीकाळ तणावाचे वातावरण निर्माण झाले होते. अखेर मुंबई पोलिसांच्या नियंत्रण कक्षाला दूरध्वनी करून घटनेची माहिती देण्यात आली. त्यानंतर तेथे पोलीस पथक दाखल झाले. विमान कर्मचारी धनश्री वाडकर यांच्या तक्रारीवरून पोलिसांनी भादंवि कलम ३३६, ५०५(२) अंतर्गत गुन्हा दाखल करून शर्मा यांना अटक केली. याप्रकरणी शर्मा यांना न्यायालयात हजर केले असता न्यायालयाने तिची जामिनावर सुटका केली.