पोलिसांच्या प्रसंगावधानाने बाळाची सुटका

मूल पळविण्याचा एका महिलेचा प्रयत्न माटुंगा पोलिसांच्या प्रसंगावधनामुळे फसला.

मूल पळविण्याचा एका महिलेचा प्रयत्न माटुंगा पोलिसांच्या प्रसंगावधनामुळे फसला. पोलिसांनी या महिलेला अटक करून तिने पळवून आणलेल्या तीन महिन्यांच्या मुलाची सुटका केली.

मंगळवारी रात्री साडेनऊच्या सुमारास माटुंग्याच्या ग्रीन ग्रास परिसरात एक महिला एका बाळाला घेऊन जात होती. तिच्या हातात गोंडस बाळ पाहून तेथे बंदोबस्तावर असलेले माटुंगा पोलीस ठाण्याचे जाधव आणि साळवे या पोलीस कर्मचाऱ्यांना संशय आला. तिच्याकडे चौकशी केली असता तिने उडवाउडवीची उत्तरे दिली. अधिक चौकशीत तिने बाळ पळवून आणल्याचे सांगितले. या महिलेचे वय ३५ वर्षे असून ती बिहारमधील आहे. नेमके कुठून बाळ पळवले ते तिने सांगितले नाही. पोलिसांनी बाळाला देखभालीसाठी लोकमान्य टिळक रुग्णालयात (सायन) ठेवले आहे. ज्या कुणाला या बाळाबाबत माहिती असेल त्यांनी माटुंगा पोलीस ठाण्यात संपर्क साधावा, असे आवाहन वरिष्ठ पोलीस निरीक्षक काकड यांनी केले आहे. पोलीस या महिलेकडे कसून चौकशी करत असून तिने यापूर्वी किती मुलं पळवली आहेत, ती कुठल्या टोळीशी संबंधित आहे का त्याचा शोध घेण्यात येत आहे.

 

 

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Police rescued the child

ताज्या बातम्या