मुंबई महानगर प्रदेश विकास प्राधिकरणाने (एमएमआरडीए) ठाण्यातील वाहतूक कोंडीचा प्रश्न सोडविण्यासाठी हाती घेतलेल्या बाळकुम – गायमुख ठाणे खाडी किनारा रस्ता (मार्ग) प्रकल्पाच्या खर्चात दुपटीने वाढ झाली आहे. या प्रकल्पासाठी १३१६.१८ कोटी रुपये खर्च अपेक्षित होता. आता मात्र हा खर्च थेट २६७४ कोटी रुपयांवर पोहोचला आहे. ‘एमएमआरडीए’च्या १५४ व्या बैठकीत या प्रकल्पाच्या सुधारित खर्चाच्या प्रस्तावाला मंजुरी देण्यात आली.
हेही वाचा >>> मुंबई : ‘सीएसएमटी’ स्थानकाची सुरक्षा वाऱ्यावर; स्थानकाच्या प्रवेशद्वाराजवळील बॅग स्कॅनर यंत्रणा धूळखात
बाळकुम – गायमुख दरम्यान १३.१४ किमी लांबीचा ठाणे
हेही वाचा >>> “सध्या राजकारणात प्रभू श्रीरामाचं नाव घेऊन दगड तरंगतायत”, उद्धव ठाकरेंचा टोला!
कळवा खाडीवर पूल बांधवा लागणार आहे. तर नागला बंदर येथे टेकडी खोदून रस्ता पुढे न्यावा लागणार आहे. तसेच अनेक ठिकाणी छोटे पुलही उभारावे लागणार आहेत. म्हत्त्वाचे म्हणजे मोठ्या प्रमाणावर भूसंपादनही करावे लागणार आहे. तर विविध प्रकारच्या परवानग्याही घ्याव्या लागणार आहेत. यामुळे खर्च वाढला असे अधिकाऱ्यांचे म्हणणे आहे.
असा आहे ठाणे खाडी किनारा रस्ता प्रकल्प
बाळकुम – गायमुख ठाणे खाडी किनारा मार्ग
१३.१४ किमी लांबीचा सागरी रस्ता (मार्ग)
एकूण सहा मार्गिका
४०/४५ मीटर रुंदी
२६७४ कोटी रुपये खर्च (सुधारित)
बाळकुमजवळील खारेगाव येथून सुरू होऊन घोडबंदर रस्त्यावरील गायमुख येथे संपेल
बाळकुम, कोलशेत, वाघबीळ, ओवळा, कासारवडवली, मोघरपाडा येथून सागरी मार्ग जाईल
५,८९,१५२.७० चौरस मीटर क्षेत्र संपादित करण्याची गरज एक उड्डाणपूल, एक भुयारी मार्ग, ३ किमीचा स्टील्ट रस्ता असे प्रकल्पाचे स्वरूप
