पावसासाठी रेल्वे सज्ज

मुंबईतील पावसाळा आणि लोकल ट्रेन यांचे विळ्याभोपळ्याचे सख्य मुंबईकरांना खूपच महागात पडते. मात्र मध्य आणि पश्चिम रेल्वेने गेल्या दोन तीन वर्षांपासून या पावसाला तोंड देण्यासाठी कंबर कसून तयारी सुरू केली आहे.

मुंबईत मंगळवारी पहाटेपासून सुरू असलेल्या मुसळधार पावसामुळे रेल्वे रुळांवर पाणी साचले. (पीटीआय)

मुंबईतील पावसाळा आणि लोकल ट्रेन यांचे विळ्याभोपळ्याचे सख्य मुंबईकरांना खूपच महागात पडते. मात्र मध्य आणि पश्चिम रेल्वेने गेल्या दोन तीन वर्षांपासून या पावसाला तोंड देण्यासाठी कंबर कसून तयारी सुरू केली आहे. यंदाही या दोन्ही रेल्वेमार्गावर मान्सूनपूर्व कामे मे महिन्याच्या अखेपर्यंतच पूर्ण करण्यात येणार असून नालेसफाई, ट्रॅकची देखभाल, झाडांच्या फांद्या छाटणे आदी कामे ९५ टक्के पूर्ण झाल्याचा दावा करण्यात येत आहे.
मुंबईची भौगोलिक स्थिती पाहता उंचसखल भागामुळे रेल्वेमार्गावर पाणी तुंबते. या पाण्याचा निचरा करण्यासाठी किंवा पाणी उपसण्यासाठी पश्चिम रेल्वेवर डिझेलचे ८० पंप आणि मध्य रेल्वेवर रेल्वेचे २३ आणि महापालिकेचे १६ असे ३९ पंप बसवण्यात येणार आहेत. पश्चिम रेल्वेमार्गावरील सर्व ४३ नाल्यांची सफाई करण्याचे काम पूर्ण होत आले आहे. लोकल गाडय़ांच्या डब्यांचीही डागडुजी सुरू आहे. मध्य रेल्वेने पावसाळ्यात होणारे सिग्नल यंत्रणेतील बिघाड टाळण्यासाठी हार्बर तसेच मुख्य मार्गावर यंदा ९५०हून अधिक डिजिटल अ‍ॅक्सेल काउंटर बसवले आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Railway ready to face monsoon

ताज्या बातम्या