मुंबईत पाऊसधारा ; दुपारी २ पर्यंत मुसळधार पावसाची शक्यता | Rain in Mumbai Chance of heavy rain till 2 pm mumbai print news amy 95 | Loksatta

मुंबईत पाऊसधारा ; दुपारी २ पर्यंत मुसळधार पावसाची शक्यता

गेल्या काही दिवस अधूनमधून कोसळणाऱ्या पावसाने पुन्हा एकदा दमदार हजेरी लावली आहे.

मुंबईत पाऊसधारा ; दुपारी २ पर्यंत मुसळधार पावसाची शक्यता
(संग्रहीत छायाचित्र)

गेल्या काही दिवस अधूनमधून कोसळणाऱ्या पावसाने पुन्हा एकदा दमदार हजेरी लावली आहे. मुंबई शहर आणि उपनगरांत मुसळधार पाऊस कोसळू लागला आहे. मंगळवारी सकाळपासून सुरू झालेल्या पावसाने उसंत घेतली नाही. त्यामुळे मुंबईतील सखल भागांत पावसाचे पाणी साचले. अंधेरीमधील भुयारी मार्गात पाणी साचल्याने येथील वाहतूक बंद करण्यात आली. दरम्यान, मंगळवारी दुपारी २ वाजेपर्यंत पावसाचा जोर कायम राहील असा अंदाज हवामान विभागाने व्यक्त केला आहे.

कोकण-गोवा, घाटमाथ्यावर मुसळधार पावसाचा अंदाज हवामान विभागाने वर्तवला होता. त्यानुसार मुंबईसह, कोकणात, घाटमाथ्यावर पावसाचा जोर वाढला आहे. मुंबई शहर आणि उपनगरांत मुसळधार पावसाच्या सरी बरसू लागल्या आहेत. मुंबई, ठाणे आणि आजूबाजूच्या भागात मुसळधार कोसळत आहे. मंगळवारी दिवसभर पाऊस कोसळण्याची शक्यता हवामान विभागाने वर्तवली आहे.

पावसामुळे वाहतुकीवर परिणाम

मुंबईत सकाळी कोसळणाऱ्या पावसामुळे अनेक ठिकाणी वाहतुकीवरही परिणाम झाला. हिंदमाता, अंधेरी, महालक्ष्मी येथे पाणी साचल्यामुळे रस्ते वाहतूक मंदावली होती. अंधेरी सब-वे येथील वाहतूक काही काळ बंद करण्यात आल्याची माहिती पोलिसांनी दिली. पावसामुळे तेथे अर्धाफुट पाणी साचले होते. याशिवाय परळ – दादरदरम्यान हिंदमाता जंक्शन येथेही अर्धा फुट पाणी साचले होते. त्यामुळे तेथील वाहतूक संथगतीने सुरू होती. महालक्ष्मी जंक्शन येथेही अर्धा फुट पाणी साचल्यामुळे वाहतुकीवरही परिणाम झाला होता. या तीन्ही ठिकाणी अतिरिक्त वाहतूक पोलीस तैनात करण्यात आले होते.

याशिवाय मानखुर्द रेल्वे स्थानकाच्या पुलावरील दक्षिण वाहिनीवर वाहतूक मंदगतीने सुरू होती. खार सब-वे येथेही वाहतूक धीम्या गतीने सुरू होती. अंधेरी सबवे येथे पाणी साचल्यामुळे काही काळ तेथील वाहतूक बंद करण्यात आली होती. मात्र तेथील वाहतूक दुपारी सुरू करण्यात आल्याचे अधिकाऱ्याने सांगितले.

हवामान विभागाकडून वर्तवण्यात आलेला अंदाज
पालघर, नंदुरबार, नाशिक, ठाणे, धुळे, जळगाव दुपारी २ ते ३ वाजेपर्यंत मध्यम ते तीव्र पावसाचा पाऊस पडेल.

मुंबईत दुपारी १ ते २ वाजेपर्यंत अधूनमधून तीव्र पावसाच्या सरी कोसळतील.

पुणे, सातारा घाट, दक्षिण कोकणातील काही भागात दुपारी १ ते २ दरम्यानत तीव्र पावसाची शक्यता आहे.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
दादा भुसेंसह शिंदे गटातील काही मंत्र्यांच्या नाराजीची चर्चा, शंभुराजे देसाई म्हणाले, “खातेवाटपाचा…”

संबंधित बातम्या

‘मेट्रो ३’ लवकरच मुंबईत धावणार; वाचा कशी ती…
कल्याणकारी योजनांमध्ये लाचखोरी; अनुदानासाठी शेतकरी, निराधारांची अडवणूक
मुख्यमंत्री, उपमुख्यमंत्र्यांच्या कानपिचक्यांनंतर सत्तार यांची दिलगिरी; सुप्रिया सुळे यांच्याबद्दल अपशब्द वापरल्याने राष्ट्रवादी काँग्रेसची राज्यभर निदर्शने
मुंबईत नोव्हेंबरमध्ये साडेआठ हजार घरांची विक्री
प्लास्टिक टाळा, पैठणी मिळवा!

व्हिडिओ

ताज्या बातम्या
“…तर आता यांच्या पोटात गोळा यायला लागला”, उद्धव ठाकरेंचं राज ठाकरेंवर टीकास्र
“…तर तुम्ही मूर्ख, खोटारडे आणि ढोंगी आहात” उद्धव ठाकरेंवरील ‘त्या’ आरोपांवरून राऊतांचा भाजपावर घणाघात
पुणे: गडकिल्ले संवर्धनासाठी दोन वर्षांनंतर समित्या स्थापन
पुणे: नवले पुलाजवळ पुन्हा अपघात; ट्रकची मालवाहू गाडीला धडक; सात जण जखमी
“आजच्या गद्दारीची तुलना छत्रपती शिवाजी महाराजांच्या आग्रा सुटकेशी केली”, उद्धव ठाकरेंचा मंगलप्रभात लोढांसह शिंदेंवर हल्लाबोल