Rickshaw taxi travel expensive from tomorrow 93 fare five kilometer journey ysh 95 | Loksatta

रिक्षा-टॅक्सीचा प्रवास उद्यापासून महाग; पाच किलोमीटरच्या प्रवासासाठी ९३ रुपये भाडे 

रिक्षा, टॅक्सीची भाडेवाढ शनिवार, १ ऑक्टोबरपासून लागू होत आहे. नव्या भाडेदर पत्रकानुसार रिक्षातून दिवसा पाच किलोमीटरच्या प्रवासासाठी ७७ रुपये, तर टॅक्सीसाठी ९३ रुपये द्यावे लागणार आहेत.

रिक्षा-टॅक्सीचा प्रवास उद्यापासून महाग; पाच किलोमीटरच्या प्रवासासाठी ९३ रुपये भाडे 
(संग्रहित छायाचित्र)

मुंबई : रिक्षा, टॅक्सीची भाडेवाढ शनिवार, १ ऑक्टोबरपासून लागू होत आहे. नव्या भाडेदर पत्रकानुसार रिक्षातून दिवसा पाच किलोमीटरच्या प्रवासासाठी ७७ रुपये, तर टॅक्सीसाठी ९३ रुपये द्यावे लागणार आहेत. सीएनजीचे दर वाढल्याने रिक्षा-टॅक्सी संघटनांनी भाडेवाढीची मागणी केली होती. त्यासाठी संपाचा इशाराही दिला होता. अखेर परिवहन विभागाने भाडेवाढीस मंजुरी दिली. रिक्षाच्या भाडय़ात पहिल्या दीड किलोमीटरसाठी दोन रुपये, टॅक्सीच्या भाडय़ात तीन रुपयांनी वाढ करण्यात आली. त्यामुळे रिक्षाचे भाडे १ ऑक्टोबरपासून २१ रुपयांवरून २३ रुपये,  टॅक्सीचे भाडे २५ रुपयांवरून २८ रुपये होणार आहे. रिक्षातून रात्री १२ नंतर दीड किलोमीटर प्रवास करण्यासाठी २७ रुपयांऐवजी २९ रुपये आणि टॅक्सीसाठी ३२ रुपयांऐवजी ३५ रुपये आकारण्यात येणार आहेत.

रिक्षामधून दिवसा पाच किलोमीटपर्यंतच्या प्रवासासाठी ७१ रुपयांऐवजी ७७ रुपये आणि रात्री बारानंतर पाच किलोमीटर प्रवासासाठी ८९ रुपयांऐवजी  ९६ रुपये द्यावे लगाणार आहेत. तर, दिवसा दहा किलोमीटर प्रवासासाठी १४२ रुपयांऐवजी १५३ रुपये द्यावे लागतील. काळय़ा-पिवळय़ा टॅक्सीचा प्रवासही महाग ठरणार आहे. पाच किलोमीटपर्यंत ८५ रुपयांऐवजी ९३ रुपये आणि रात्री १२ नंतर पाच किलोमीटरसाठी १०६ रुपयांऐवजी ११७ रुपये द्यावे लागतील.

‘क्यूआर कोड’ची सुविधा..

रिक्षा आणि टॅक्सीची नवीन भाडेदर लागू करताना मीटरमध्ये बदल करावे लागणार असून हे बदल होईपर्यंत चालकांना नवीन भाडे दरपत्रक देण्यात येणार आहे. त्यावरील ‘क्यूआर कोड’ स्कॅन केल्यास परिवहन विभागाने आकारलेले अधिकृत दरपत्रक पाहता येईल. त्यामुळे प्रवाशाची फसवणूक होणार नाही, अशी माहिती सूत्रांनी दिली.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
मुंबई, पुणे, संस्कृत विद्यापीठासाठी कुलगुरू निवड समिती स्थापन

संबंधित बातम्या

गुजरात निवडणुकीसाठी जाणे हे अधिकृत काम आहे का?; न्यायालयाचे राहुल नार्वेकर आणि मंगलप्रभात लोढा यांना खडे बोल
अखेर उंचीची हंडी फुटली; हायकोर्टाकडून दहीहंडीवरील निर्बंध मागे
‘नोटाबंदीच्या निर्णयामुळे देशातील फुटिरतावादी आणि नक्षलवाद्यांना आर्थिक चणचण’

व्हिडिओ

ताज्या बातम्या
सुरतमध्ये रोड शोवरील दगडफेकीनंतर केजरीवालांचा भाजपावर हल्लाबोल; म्हणाले, “२७ वर्षे काम केलं…”
लाचलुचपत प्रतिबंधक विभागाच्या महिला पोलीस निरीक्षकासह पतीच सापळ्यात अडकला; औरंगाबाद येथील पथकाची कारवाई
बाईक टॅक्सी ॲपवर १० डिसेंबरपर्यंत कारवाई करण्याचे आश्वासन; पुण्यातील रिक्षाचालकांचा बंद अखेर मागे
“हा प्रोपगंडा आणि वल्गर चित्रपट…” IFFI मध्ये मुख्य ज्यूरींनीच साधला ‘द काश्मीर फाईल्स’वर निशाणा
VIDEO: “त्याने आमच्या बहिणीचे ३५ तुकडे केले, आम्ही त्याचे…” आफताबच्या वाहनावर तलवारीने हल्ला करणाऱ्या व्यक्तीची धमकी