मुंबई : राज्यातील बहुतांश औषध विक्रेत्यांमार्फत सध्या औषध निर्मितीसाठी वापरण्यात येणाऱ्या ग्लिसरीनऐवजी औद्योगिक वापराच्या ग्लिसरीनची विक्री केली जात आहे. अनेक औषध उत्पादक कंपन्याही त्यांच्या उत्पादनात औद्योगिक वापरासाठीचे ग्लिसरीन वापरतात. त्याचे नागरिकांवर दुष्परिणाम होण्याची शक्यता आहे.

औद्योगिक वापराच्या ग्लिसरीनच्या विक्रीमुळे भविष्यामध्ये मोठी दुर्घटना होण्याची शक्यता संघटनेकडून वर्तविण्यात आली आहे. याप्रकरणी अन्न व औषध प्रशासन विभागान कारवाईची मागणी केली आहे. औषध निर्मितीसाठी वापरण्यात येणाऱ्या ग्लिसरीनच्या तुलनेत औद्योगिक वापराचे ग्लिसरीन अत्यंत स्वस्त आहे. त्यामुळे अनेक औषध उत्पादक कंपन्या औद्योगिक वापरासाठी तयार केलेले ग्लिसरीन वापरतात. परिणामी राज्यातील बहुतांश औषध विक्रेत्यांकडून औद्योगिक वापराच्या ग्लिसरीनची विक्री होत आहे.

liquor
परमीट रुममधील ‘मद्य’भेसळ आटोक्यात येणार! तपासणी यंत्र खरेदीसाठी शासनाची मान्यता
Analysis of adulterated food will be expedited report will be available within 14 days
भेसळयुक्त खाद्यपदार्थांचे विश्लेषण वेगात होणार, १४ दिवसांमध्ये मिळणार अहवाल
thane central park marathi news, thane kolshet marathi news, thane traffic jam at kolshet area marathi news
ठाणे : सेंट्रल पार्कमुळे कोंडीचे नवे केंद्र कोलशेत
Index Sensex falls to 73 thousand level print eco news
नफावसुलीमुळे ‘सेन्सेक्स’ ३५२ अंश माघारी

मोजक्याच औषध विक्रेत्यांकडे औषध निर्मितीसाठी वापरण्यात येणाऱ्या ग्लिसरीनची विक्री होते. औद्योगिक वापरासाठी असलेल्या ग्लिसरीनचा मोठ्या प्रमाणात वापर केल्याने त्याचे दुष्परिणाम नागरिकांवर होण्याची शक्यता आहे. औद्योगिक वापराच्या ग्लिसरीनमुळे काही वर्षांपूर्वी मुंबईतील जे जे रुग्णालयात काही रुग्णांना आपले प्राण गमवावे लागले होते. मात्र त्यानंतरही औद्योगिक वापराच्या ग्लिसरीनची विक्री करणाऱ्या विक्रेत्यांवर कारवाई करण्यात अन्न व औषध प्रशासन विभाग कमी पडल्याचे दिसून येत आहे. भविष्यात कोणतीही दुर्घटना घडू नये यासाठी अन्न व औषध प्रशासन विभागाने अशा औषध विक्रेत्यांवर तातडीने कारवाई करावी अशी विनंती ऑल फूड अँड ड्रग लायसन होल्डर्स फाउंडेशनचे अध्यक्ष अभय पांडे यांनी केली आहे.