बारावीच्या जीवशास्त्र परीक्षेच्या दिवशीच शिष्यवृत्ती परीक्षा

बारावीच्या सुधारित वेळापत्रकानुसार ज्या दिवशी (१२ मार्च) जीवशास्त्राची परीक्षा ठेवण्यात आली आहे, त्याच दिवशी चौथी आणि आठवीची शिष्यवृत्तीची परीक्षाही होणार आहे.

बारावीच्या सुधारित वेळापत्रकानुसार ज्या दिवशी (१२ मार्च) जीवशास्त्राची परीक्षा ठेवण्यात आली आहे, त्याच दिवशी चौथी आणि आठवीची शिष्यवृत्तीची परीक्षाही होणार आहे.
बारावीचा जीवशास्त्राचा पेपर १२ मार्चपर्यंत पुढे ढकलण्यात आला आहे. या दोन्ही परीक्षांसाठी शाळांमध्ये परीक्षा केंद्र असणार आहे. त्यामुळे, काही परीक्षा केंद्रांवर एकाच दिवशी शिष्यवृत्ती आणि बारावी अशा दोन्ही परीक्षा होणार आहेत. ज्या परीक्षा केंद्रांवर वर्गाची कमतरता असेल त्या ठिकाणी गोंधळ उद्भवू शकतो.
जीवशास्त्राचा पेपर देणारे राज्यात अवघे अडीच ते तीन लाख विद्यार्थी आहेत. पण, चौथी-सातवीच्या शिष्यवृत्तीला बसणाऱ्या लाखों विद्यार्थ्यांची संख्या लक्षात घेता काही परीक्षा केंद्रांवर वर्ग कमी पडू शकतात. सुदैवाने जीवशास्त्राचे विद्यार्थी कमी असल्याने अशी परीक्षा केंद्रे फारच थोडी असतील. पण, गोंधळ टाळण्यासाठी आम्ही परीक्षा केंद्रांचा आढावा घेत आहोत, असे महाराष्ट्र राज्य माध्यमिक व उच्च माध्यमिक शिक्षण मंडळाचे अध्यक्ष सर्जेराव जाधव यांनी सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Scholarship examination on 12th biology examination day

ताज्या बातम्या