‘तळवलकर्स’ विरोधात दुसरा गुन्हा दाखल

शिवाजी पार्क पोलीस ठाण्यात याप्रकरणी  गुन्हा दाखल करण्यात आला असून तो आर्थिक गुन्हे शाखेच्या बँकिंग (फसवणूक) कक्षाकडे वर्ग करण्यात आला आहे.

मुंबई: ‘तळवलकर्स बेटर व्हॅल्यू फिटनेस’शी संबंधित आठ व्यक्तींविरोधात मुंबई पोलिसांच्या आर्थिक गुन्हे शाखेने १८० कोटी रुपयांच्या फसवणुकीप्रकरणी गुन्हा दाखल केला आहे. लक्ष्मी विलास बँकेच्या तक्रारीवरून याप्रकरणी गुन्हा दाखल करण्यात आला आहे.  तळवलकर्स प्रकरणात दाखल झालेला हा दुसरा गुन्हा आहे. शिवाजी पार्क पोलीस ठाण्यात याप्रकरणी  गुन्हा दाखल करण्यात आला असून तो आर्थिक गुन्हे शाखेच्या बँकिंग (फसवणूक) कक्षाकडे वर्ग करण्यात आला आहे. याबाबत आर्थिक गुन्हे शाखेचे सहपोलीस आयुक्त निकेत कौशिक यांनी तळवलकर्स प्रकरणात दुसरा गुन्हा दाखल करण्यात आल्याचे सांगितले. तळवलकर्स बेटर व्हॅल्यू फिटनेस लि., तळवलकर्स हेल्थ क्लब लि. तसेच त्याच्या आठ संचालकांविरोधात गुन्हा दाखल करण्यात आला आहे. २०१६ ते २०१९ या कालावधीत १८० कोटी रुपयांचे नुकसान केल्याची तक्रार लक्ष्मी विलास बँकेचे उपाध्यक्ष पनीरसेल्वम ए. यांनी केली आहे.  याबाबत तळवलकर्स ग्रुपशी संपर्क साधला असता याप्रकरणी चौकशी व्हावी, अशी आम्हीच मागणी केली होती. तसेच कंपनीच्या आर्थिक व्यवहारांशी तळवलकर्स यांचा संबंध नव्हता, असे त्यांनी सांगितले.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Second fir against mumbai based talwalkars zws

Next Story
टीएमटी बस बंद पडून वाहतूक ठप्प
ताज्या बातम्या