बंद होतानाही शेअर बाजारात पडझड; सेन्सेक्स ७६० कोसळला, शेअर्समध्येही मोठी घट

डॉलरच्या तुलनेत रुपयाची कमजोर स्थिती आणि फायनान्शिअल शेअर्समध्ये मोठी घसरण झाली.

प्रातिनिधीक छायाचित्र

शेअर बाजारात आज (गुरुवारी) दिवसभर मंदीचेच वातावरण राहिले. कारण, सकाळी शेअर बाजार सुरु होताना सेन्सेक्स १००० अंकांनी गडगडला होता. आंतरराष्ट्रीय शेअर मार्केटमधील घसरणीचे पडसाद शेअर बाजारात उमटले होते. हीच स्थिती बाजार बंद होतानाही कायम होती. शेअर बाजार बंद होताना सेन्सेक्स ७६० अंकांनी तर निफ्टी २२५ अंकांनी कोसळला. तसेच फायनान्शिअल शेअर्समध्येही मोठी घसरण पहायला मिळाली.

डॉलरच्या तुलनेत रुपयाची कमजोर स्थिती आणि फायनान्शिअल शेअर्समध्ये मोठी घसरण झाली. बाजाराच्या शेवटी सेन्सेक्स ७६० अंकांनी घसरत ३४००१वर बंद झाला. तर निफ्टी २२५ अकांनी घसरत १०२३५ वर बंद झाला. फायनान्शिअल सेवा आणि बॅकिंग सेक्टरमध्ये तेजीने घसरण झाली. एसबीआयच्या शेअर्समध्ये ६ टक्क्यांनी घसरण पहायला मिळाली. इंडिया बुल्स आणि बाजाज फिनसर्व या कंपन्यांचे शेअर्समध्ये आज सर्वाधिक घसरण झाली. मात्र, एनर्जी सेक्टरमध्ये चांगली खरेदी झालेली पहायला मिळली. एचपीसीएलमध्ये १६ टक्के तेजी पहायला मिळाली.

गेले काही दिवस शेअर मार्केटमध्ये पडझड सुरु असतानाच बुधवारी शेअर मार्केटमध्ये सेन्सेक्सने ४६१ अंकांची मुसंडी घेतली होती. त्यामुळे गुंतवणूकदारांना दिलासा मिळाला होता. यामुळे गुंतवणूकदारांच्या संपत्तीत ३ लाख कोटींची भर पडली होती. मात्र, गुरुवारी शेअर मार्केट सुरू होताच सेन्सेक्स आणि निफ्टीत घसरण झाली आणि गुंतवणूकदारांना पुन्हा पडझडीच्या त्सुनामीचा तडाखा बसला.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व अर्थसत्ता बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sensex down 760 after stock market closed big loss in financial shares too