scorecardresearch

“नकली भावनेतून जाणाऱ्यांना श्रीरामाचा आशिर्वाद मिळत नाही”; उत्तर प्रदेशातील पोस्टर्सवरुन संजय राऊतांची प्रतिक्रिया

अयोध्येत शिवसेनेच्या स्वागताची तयारी सुरु आहे, असेही संजय राऊत म्हणाले

Shiv Sena MP Sanjay Raut gave important information about Aditya Thackeray visit of ayodhya
(फोटो सौजन्य – सोशल मीडियावरुन साभार)

महाराष्ट्र नवनिर्माण सेनेचे अध्यक्ष राज ठाकरे यांच्या अयोध्या दौऱ्यापूर्वी राजकीय वातावरण तापले आहे. एकीकडे भाजपा खासदार ब्रिजभूषण शरण सिंह यांनी राज ठाकरेंना अयोध्येत येऊ देणार नसल्याची घोषणा केली आहे. तर दुसरीकडे उत्तर प्रदेशात शिवसेनेने होर्डिंग लावले आहेत. शिवसेनेने लावलेल्या होर्डिंगमध्ये ‘असली आ रहा है नकली से सावधान’ असे लिहिले आहे. यावरुन आता शिवसेना प्रवक्ते संजय राऊत यांनी प्रतिक्रिया दिली आहे.

“अयोध्येत शिवसेनेच्या स्वागताची तयारी सुरु आहे. प्रभू श्रीराम हे एका धर्माचे नाहीत. सर्वांवर त्यांचा आशिर्वाद आहे. पण कोणी नकली भावनेतून किंवा राजकारणासाठी जात असेल तर रामाचा आशिर्वाद मिळत नाही. मुख्यमंत्री झाल्यावर उद्धव ठाकरे अयोध्येला गेले होते. आता आदित्य ठाकरे १० जूनला जाणार आहेत. त्यांच्यासोबत शिवसैनिक आणि युवासैनिक जाणार आहेत,” असे संजय राऊत म्हणाले.

“उत्तर प्रदेशमध्ये असली नकलीचे बॅनर कोणी लावले त्याची माहिती नाही. पण तिथली जनता सुजाण आहे. त्यांना राजकारण फार चांगले कळते. त्यामुळे एखाद्या दौऱ्यात राजकारण असेल तर लोकांच्या मनातील भावना वेगळ्या आहेत. अशावेळी प्रभू श्रीरामाचीही इच्छा नसते. आम्ही आधीच घोषणा केल्याने १० जूनला आम्ही अयोध्येला जाणार आहोत. हा आमचा राजकीय दौरा नाही आमची श्रद्धा आहे. त्यानुसार तयारी सुरु आहे,” असेही संजय राऊत म्हणाले.

राज ठाकरेंच्या अयोध्या दौऱ्याला भाजप खासदार ब्रिजभूषण सिंह यांनी विरोध केला आहे. त्यावर बोलताना राऊत म्हणाले, “कोण विरोध करतोय, का विरोध करतोय. या वादात मी पडू इच्छित नाही. मी माझी भूमिका मांडतोय. हा राजकीय दौरा नाही. श्रद्धेपोटी अयोध्येत जाणार आहोत.”

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shiv sena mp sanjay raut gave important information about aditya thackeray visit of ayodhya abn

ताज्या बातम्या