मुंबई: महिला आरक्षण विधेयक नामंजूर झाल्याच्या पार्श्वभूमीवर शिवसेनेच्या महिला आघाडीच्या कार्यकर्त्यांनी मुंबईत ‘इंडिया’ आघाडीविरोधात जोरदार निदर्शने केली. घोषणाबाजी करत या विधेयकाच्या निषेधार्थ महिला कार्यकर्त्या रस्त्यावर उतरल्या.
शिवसेना शिंदे पक्षाच्या नेत्या डॉ. नीलम गोऱ्हे यांनी ‘इंडिया’ आघाडीवर तीव्र टीका केली. संपूर्ण देशाचे लक्ष लागलेल्या महिला आरक्षण विधेयकाबाबत काँग्रेस व सहयोगी पक्षांनी दुटप्पी भूमिका घेतली. “एकीकडे महिला आरक्षणाला पाठिंबा असल्याचे सांगितले जाते, तर दुसरीकडे प्रत्यक्षात लोकसभेत विधेयक नामंजूर करण्यासाठी विरोध केला जातो. हा महिलांच्या भावनांचा विश्वासघात आहे,” असा आरोप गोऱ्हे यांनी केला.
मतदारसंघ पुनर्रचनेच्या नावाखाली दिशाभूल केली जात असून, महिला सक्षमीकरणाच्या प्रश्नावर खोटा प्रचार करण्यात आला. “महिलांना न्याय देण्याऐवजी राजकीय स्वार्थासाठी या विधेयकाला अडथळे आणले गेले. “महिलांच्या मतांचा अधिकार मागणाऱ्यांनी आधी त्यांच्या हक्कांबाबत प्रामाणिक भूमिका घ्यावी. अन्यथा येणाऱ्या निवडणुकांमध्ये महिलाच योग्य तो निर्णय घेतील,” असा इशाराही त्यांनी दिला.
शिवसेना म्हणजेच महिलांना अधिकार या भुमिकेतुन अनेक योजना आणल्या आहेत. महायुती व एन. डी.ए. ची भुमिका आहे
याऊलट युपीए आघाडीने पुतनेची भुमिका घेऊन महिलांना डावलण्याचे विषारी काम केले आहे.कॅांग्रेसने सत्ता असुनही आरक्षण देण्याची ईच्छाशक्ती दाखवली नाही . तंदुरमध्ये जाळलेली नैना ते लातुरची कल्पना गिरींचा खुन , मुस्लीम महिलांच्या अधिकारांचा गळा घोटण्यास शहाबानोच्या निमित्ताने पोटगी नाकारणारे विधेयक, समान नागरी कायद्यात विरोध असा कॅाग्रेसचा दुटप्पी ईतिहास पाहिला तर महिलांची फसवणूक एवढेच ते करत आले आहेत.
या आंदोलनात आमदार मनीषा कायंदे, बेस्ट अध्यक्ष तृष्णा विश्वासराव, संजय निरुपम, शिवसेना उपनेत्या कला शिंदे यांच्यासह महिला पदाधिकारी व कार्यकर्त्या मोठ्या संख्येने सहभागी झाल्या होत्या.
