Somaiya demand quash case against Shiv Sena activists court reprimanded petition ysh 95 | Loksatta

शिवसेना कार्यकर्त्यांवरील गुन्हा रद्द करण्याची सोमय्या यांची मागणी  

शिवसेना कार्यकर्त्यांनी केलेल्या हल्ल्याप्रकरणी आपण नोंदवलेल्या तक्रारीनुसार खार पोलिसांनी गुन्हा नोंदवला नाही, असा आरोप करत हा गुन्हा रद्द करण्यासाठी याचिका करणाऱ्या भाजप नेते किरीट सोमय्या यांना उच्च न्यायालयाने शुक्रवारी फटकारले.

शिवसेना कार्यकर्त्यांवरील गुन्हा रद्द करण्याची सोमय्या यांची मागणी  
किरीट सोमय्या ( संग्रहित फोटो )

न्यायालयाने फटकारले; याचिकाही निकाली

मुंबई : शिवसेना कार्यकर्त्यांनी केलेल्या हल्ल्याप्रकरणी आपण नोंदवलेल्या तक्रारीनुसार खार पोलिसांनी गुन्हा नोंदवला नाही, असा आरोप करत हा गुन्हा रद्द करण्यासाठी याचिका करणाऱ्या भाजप नेते किरीट सोमय्या यांना उच्च न्यायालयाने शुक्रवारी फटकारले. त्यानंतर सोमय्या यांनी पोलीस ठाण्यात जाऊन पुरवणी जबाब नोंदवण्याची तयारी दाखवली. त्यामुळे न्यायालयाने सोमय्या यांची याचिका निकाली काढली.

खार पोलीस ठाण्याच्या आवारात शिवसेना कार्यकर्त्यांनी हल्ला केला होता. त्यानंतर आपण पोलिसांत याप्रकरणी तक्रार नोंदवली. मात्र पोलिसांनी तक्रारीनुसार गुन्हा दाखल केला नाही, असा आरोप करून सोमय्या यांनी उच्च न्यायालयात धाव घेतली होती. तसेच याप्रकरणी त्यांच्या तक्रारीवरून पोलिसांनी दाखल केलेला गुन्हा रद्द करण्याची मागणी केली होती. शिवसेना कार्यकर्त्यांना वाचवण्यासाठी पोलिसांनी प्राथमिक तपास अहवालात (एफआयआर) फेरफार केल्याचा आरोप करून सोमय्या यांनी पोलिसांवरही कारवाईची मागणी केली होती. एवढेच नव्हे, तर प्रकरणाचा तपास केंद्रीय गुन्हे अन्वेषण विभागाकडे (सीबीआय) वर्ग करण्याचीही मागणी केली होती.

 न्यायमूर्ती रेवती डेरे आणि न्यायमूर्ती श्रीराम मोडक यांच्या खंडपीठासमोर याप्रकरणी सुनावणी झाली. त्यावेळी त्यांच्याच तक्रारीवरून नोंदवण्यात आलेला गुन्हा रद्द करण्याच्या मागणीमागील उद्देश काय? गुन्हा रद्द केला तर काय होईल ? असा प्रश्न न्यायालयाने सोमय्या यांना केला. दुसरीकडे सोमय्या यांचा नव्याने जबाब नोंदवण्यास पोलीस तयार असल्याचे सरकारी वकील संगीता शिंदे यांनी न्यायालयाला सांगितले. त्यानंतर याचिकेतील अन्य मागण्यांचा आग्रह आपण धरणार नसल्याचे सोमय्यांतर्फे न्यायालयाला सांगितले. तसेच पोलिसांत दुसऱ्यांदा जबाब नोंदवण्याची तयारी दाखवली. त्यामुळे न्यायालयाने सोमय्या यांची याचिका निकाली काढली.

मराठीतील सर्व मुंबई ( Mumbai ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
टक्केवारीसाठी प्रकल्पांची अडवणूक नको!; देवेंद्र फडणवीस यांनी खडसावले; अधिकारी, लोकप्रतिनिधींनी विकासाचे ध्येय ठेवणे आवश्यक

संबंधित बातम्या

“एक पठ्ठ्या ‘उठ दुपारी आणि घे सुपारी’ असाच कार्यक्रम…”, सुषमा अंधारेंची राज ठाकरेंवर बोचरी टीका
विश्लेषण: डोंगर आणि तलावाखालून जाणारा मुंबई-पुणे द्रुतगती बोगदा कसा आहे? त्याचा फायदा काय होईल?
राज्यातील किमान तापमानात वाढ होणार
‘तो’ कबुतराचं मांस चिकन म्हणून हॉटेल्सला विकायचा; मुंबईमधील धक्कादायक प्रकार, आठ जणांविरुद्ध गुन्हा दाखल
मुंबईत ३ ते १७ डिसेंबर दरम्यान जमावबंदीचे आदेश; पाचपेक्षा अधिक लोकांना एकत्र येण्यास मज्जाव; काय सुरू काय बंद? जाणून घ्या

व्हिडिओ

ताज्या बातम्या
“महाराष्ट्राच्या दोन मंत्र्यांनी बेळगावला येणं अनुकूल नाही”, कर्नाटकचे मुख्यमंत्री बोम्मईंचा इशारा
पोलीस उपनिरीक्षक विभागीय मर्यादित स्पर्धा परीक्षेची निवड यादी जाहीर; यंदा डिजिटल तंत्रज्ञानाच्या साहाय्याने शारीरिक चाचणी
‘मुंबईतील जुन्या इमारतींच्या पुनर्विकासाच्या निर्णयाला जाणीवपूर्वक उशीर’; शिवसेना खासदार अरविंद सावंत यांचा आरोप
विजय दिवस सोहळ्यात यंदा भरगच्च कार्यक्रम; रौप्यमहोत्सवानिमित्त संरक्षणमंत्री राजनाथ सिंह, शरद पवार यांना निमंत्रण
FIFA WC 2022: मोक्याच्या क्षणी ह्वांग ही चॅन चा गोल! द. कोरिया बाद फेरीत दाखल, मात्र जिंकूनही उरुग्वे विश्वचषकातून बाहेर