मुंबई : आम्ही अभिव्यक्ती स्वातंत्र्याच्या अधिकाराचे संपूर्णपणे समर्थन करतो, परंतु मुख्याध्यापिका परवीन शेख यांनी समाजमाध्यमावर व्यक्त केलेली भूमिका ही ‘सोमय्या व्यवस्थापन’ जपत असलेल्या मूल्यांशी पूर्णपणे विसंगत आहे. असे स्पष्टीकरण देत सोमय्या शाळेच्या व्यवस्थापनाने मंगळवारी परवीन शेख यांना नोकरीवरून काढले. शेख यांनी पॅलेस्टाईन आणि हमास यांच्याबद्दल सहानुभूती दाखवणाऱ्या व समर्थनार्थ आशय असलेल्या समाज माध्यमांवरील मजकूर आवडल्याचे सूचित (लाईक) केले होते आणि त्यावर आपली मते मांडली होती.

मुंबईतील सोमय्या शाळेच्या मुख्याध्यापिका परवीन शेख यांनी पॅलेस्टाईन आणि हमास यांच्याबद्दल सहानुभूती दाखवणाऱ्या व समर्थनार्थ आशय असलेल्या मजकुरावर आपली मते मांडली होती. यासंदर्भातील वृत्त २४ एप्रिल रोजी एका संकेतस्थळावर प्रकाशित करण्यात आले. त्यानंतर शाळा व्यवस्थापनाने शेख यांना चौकशीसाठी बोलाविले. तसेच २६ एप्रिल रोजी झालेल्या बैठकीत शाळा व्यवस्थापनाने त्यांना राजीनामा देण्यास सांगितले. त्यानंतरही काही दिवस त्यांनी काम करणे सुरू ठेवले. या दरम्यान सोमय्या शाळेच्या व्यवस्थापनाने त्यांना लेखी खुलासा सादर करण्याचे आदेश दिले. तसेच त्यांची चौकशीही सुरु होती. त्यानंतर शेख यांनी सोमवारी (६ मे) लेखी खुलासा सादर केला आणि त्या शेवटपर्यंत आपल्या पदाचा राजीनामा न देण्यावर ठाम होत्या. परंतु लेखी खुलासा आणि चौकशी प्रक्रियेनंतर सोमय्या शाळेच्या व्यवस्थापनाने मंगळवारी त्यांना नोकरीवरून काढण्याचा निर्णय घेतला. यासंदर्भात शेख यांना ई-मेलद्वारे कळविण्यात आले. तसेच सोमय्या शाळेच्या व्यवस्थापनाने एका प्रसिद्धीपत्रकाद्वारे ही माहिती दिली आणि आपली भूमिका स्पष्ट केली.

Georgia Meloni With Narendra Modi G7 Viral Video
जॉर्जिया मेलोनी यांनी मोदींना सेल्फी Video मध्ये घेऊन म्हटलेल्या एका वाक्यात ‘ही’ एक गोष्ट झाली स्पष्ट! मीमकऱ्यांनो पाहाच
Elon Musk China Visit
‘स्पेसएक्स’च्या महिला कर्मचाऱ्यांशी लैंगिक संबंध, मुलं जन्माला घालण्यास दबाव; एलॉन मस्क यांच्यावर गंभीर आरोप
memory chip Intel logic chip Pat Gelsin Andy Grove
चिप-चरित्र: धाडसी निर्णयाची फलश्रुती
Shabana Azmi On Kangana Ranaut Slap Row
कंगना रणौत यांच्या कानशिलात लगावल्याचं प्रकरण: शबाना आझमी म्हणाल्या, “या घटनेनंतर खुश झालेल्या लोकांच्या गर्दीत…”
A record of winning more than 400 seats in the Lok Sabha In the name of Rajiv Gandhi himself
‘४०० पार’नंतरची कारकीर्द…
Kangana Ranuat
कंगना रणौत यांच्या कानशिलात लगावणाऱ्या कॉन्स्टेबलच्या भावाची प्रतिक्रिया; म्हणाले, “माझी बहीण…”
maha vikas aghadi workers cheering after victory
मतमोजणीस्थळी मविआचा जल्लोष, महायुतीची निराशा; अंबड येथील मतमोजणी केंद्राबाहेरील कार्यकर्त्यांचा जल्लोष
Shashi Tharoor Exit polls Congress Opposition performance loksabha elextion 2024
एक्झिट पोल्स फारच हास्यास्पद! आमच्या कामगिरीत किमान सुधारणा तरी होईलच : शशी थरूर

हेही वाचा >>> सीबीआयच्या शोध मोहिमेत सुमारे दीड कोटींची रोकड, सोने जप्त

संस्थेचे म्हणणे काय?

‘ज्ञानदेव तू कैवल्यम्’ हे आमचे ब्रीदवाक्य आहे. शिक्षणाच्या माध्यमातून समाजात समजूतदारपणा वाढविणे आणि सामाजिक जबाबदारी पार पाडणे, यासाठी आम्ही वचनबद्ध आहोत. परंतु परवीन शेख यांच्या समाजमाध्यम खात्यावरील पोस्ट, प्रतिक्रिया आदी आम्ही जपत असलेल्या मूल्यांशी पूर्णपणे विसंगत आहेत. या संपूर्ण प्रकरणाचे गांभीर्य लक्षात घेऊन आणि सखोल विचार केल्यानंतर व्यवस्थापनाने परवीन शेख यांचे संस्थेशी असलेले संबंध संपुष्टात आणले आहेत. जेणेकरून एकता आणि सर्वसमावेशकता या आमच्या मूल्यांशी तडजोड होणार नाही.

परवीन शेख यांचे म्हणणे काय?

मला मुख्याध्यापिका पदावरून दूर करीत नोकरीवरून काढल्याची बातमी कळल्यावर धक्का बसला. यासंदर्भात मला दिलेली नोटीस ही संपूर्णपणे बेकायदेशीर आहे. ही कारवाई माझ्या विरुद्ध केलेल्या खोट्या आरोपांवर आधारित आणि बदनामीकारक आहे. मुख्याध्यापिका म्हणून मी केलेले काम हे उत्तम आहे आणि अशा पद्धतीने मला पदावरून हटविणे हे अन्यायकारक आहे. गेली १२ वर्षे मी सोमय्या शाळेसाठी अथक परिश्रम घेतले आणि शाळेच्या विकासासाठी योगदान दिले. परंतु माझ्याविरुद्ध चालविलेल्या गेलेल्या या अतिशय विचित्र मोहिमेत माझ्यामागे उभे न राहता संस्थेने कारवाईचा निर्णय घेतला. ही कारवाई राजकीय हेतूने प्रेरित असल्याचे दिसून येते. माझा न्यायव्यवस्थेवर आणि भारतीय संविधानावर पूर्ण विश्वास आहे. या कारवाईनंतर कायदेशीर लढा देणार आहे.